Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
110 Псалом
1 Аллилуйя!
Дӧсвидзисьӧ, Тэнӧ сьӧлӧмсянь ошка
веськыта оліссезлӧн чукӧртчӧ́мын,
Тэнат ӧксьӧм отир коласын.
2 Дӧсвидзисьлӧн керӧ́ммес ыджытӧсь!
Сылісь керӧ́ммесӧ радейтіссез
нiйӧ ӧддьӧн видзчисьӧны.
3 Вына керӧ́ммез понда Сійӧ ошкӧны.
Сылӧн веськыта керӧ́ммес пыр олӧны.
4 Сылісь адззывлытӧм керӧ́ммесӧ пыр касьтывлӧны.
Дӧсвидзисьыс небыт сьӧлӧма и уна мый сетӧ.
5 Сыись поліссезлӧ Сія сёя́н сетӧ.
Аслас отиркӧт керӧм йитӧ́тсӧ пыр тӧдвылас видзӧ.
6 Аслас отирлӧ вынсӧ Сія керӧ́ммез пыр мыччаліс,
кӧр ентӧдтӧммезлісь мусӧ нылӧ сетіс.
7 Сылӧн керӧ́ммес ─ быльӧсь да веськытӧсь.
Сылӧн тшӧктӧ́ммес озӧ вежсьӧ.
8 Нія тшӧктӧ́ммес пыр вынаӧсь,
ёна видзсьӧны быль вылын
да веськыта керӧ́м вылын.
9 Сія Ассис отирсӧ мездiс.
Ныкӧт йитӧ́тсӧ пыр кежӧ керис.
Сылӧн нимыс вежа да повзьӧта́на.
10 Мывкыдыс лоӧ Дӧсвидзисись полӧ́мсянь.
Сылӧн тшӧктӧ́ммез сьӧрті оліссес
быдӧнныс бур вежӧраӧсь.
Сійӧ ошкӧ́мыс пырся-пыр ась горалӧ!
Глава 110
