Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
109 Псалом
Давидлӧн псалом.1 Дӧсвидзись Ен висьталіс менам Ӧксулӧ:
«Пукав Мекӧт веськыт ладорам,
кытчӧдз ог уськӧт кок увтат
Тэ вылӧ лэбтісиссесӧ».
2 Дӧсвидзись Ен ыстас Тэныт
Сион вывсянь ӧксулісь юрала́н бедь,
медбы юралін Тэ вылӧ лэбтісьӧммез вылын.
3 Тэнчит вынтӧ мыччала́н лунӧ
Тэнат отирыт сувтас Тэ одзӧ
вежа да югьяла́н паськӧма,
медбы Тэкӧт мунны.
Тэ чужин шонді петтӧдз усьӧм лысва моз.
4 Дӧсвидзись Ен кыв сетіс и сійӧ оз веж:
«Тэ Мелкиседек моз Аркирей
*а пыр кежӧ».
5 Дӧсвидзись Ен сулалӧ Тэкӧт веськыт ладорат.
Аслас лӧг лунӧ Сія ӧксуэсӧ паздас.
6 Сія отиррез вылын судсӧ чулӧтас,
мусӧ шойезӧн тыртас.
Муыс пасьта паныт муніссезлісь
*б юррезнысӧ паздас.
7 Мунікас Ӧксу пондас юны визывта́н ва
да лэбтас Ассис юрсӧ Вермалісьӧн
*в.
*а 109:4 аркирей ─ первосвященник
*б 109:6 паныт мунісь ─ противник
*в 109:7 вермалісь ─ победитель
Глава 109
