Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
4 Псалом
1 Сьыліссезӧн веськӧтлісьлӧ. Орсӧны сиа орса́ннэз*а вылын. Давидлӧн псалом.2 Веськыта судитісь Енӧ, кыв менӧ,
кӧр ме горӧн кеймися!
Кӧр меным вӧлі сьӧкыт,
сэтісь петны Тэ меным туйсӧ осьтін.
Ло ме дынӧ небыт сьӧлӧма,
кыв менчим кеймӧ́мӧс.
3 Отир, кытчӧдз тійӧ менӧ умӧльтны пондатӧ?
Дыр я пондатӧ радейтны ковтӧмсӧ
да кошшыны бӧбӧтчӧ́мсӧ?
4 Тӧдӧ, Ассис вежа мортсӧ
Дӧсвидзисьыс Аслыс янсӧтіс.
Дӧсвидзисьыс кылӧ, кӧр ме Сійӧ кора.
5 Лӧгувьяныт умӧльсӧ эд керӧ.
Ольпасьын куйлікӧ авйӧ
*б да лӧньсьӧ.
6 Вайӧ Енлӧ туяна езъяла́н козиннэз
*в да надейтчӧ Дӧсвидзись вылӧ.
7 Унаӧн юасьӧны: «Кин мыччалас миянлӧ бурсӧ?»
Дӧсвидзисьӧ, Аслат чужӧ́млісь югыттӧ мыччав!
8 Тэ тыртін менчим сьӧлӧмӧс гажнас унажык нысся,
кӧдналӧн уна [виыс,] няньыс да винаыс.
9 Ме лӧня вода да узя.
Дӧсвидзисьӧ, Тэ эд ӧтнат сетан меным повтӧг овны.
*а 4:1 сиа орса́н ─ струнный инструмент
*б 4:5 авйыны ─ размышлять
*в 4:6 езъяла́н козин ─ жертвенный дар
Глава 4
