Библия
Выбрать язык
Книги Ветхого Завета
Книги Нового Завета
с русским текстом
ПСАЛТЫР
3 Псалом
1 Давидлӧн псалом. Гижӧм Авессалом зоныс дынісь пышшӧ́м коста.2 Дӧсвидзисьӧ!
Ме вылӧ лэбтісьӧммес унася-уна лоисӧ.
Унаӧн ме вылӧ лэбтісьӧны.
3 Унаӧн ме йылісь шуӧны:
«Еныс сійӧ оз мезды».
4 Но Тэ, Дӧсвидзисьӧ, менам сайӧвтча́нӧ
*а.
Менӧ ошкӧ́м-лэбтӧ́мыс Тэсянь локтӧ.
Менчим юрӧс Тэ лэбтан.
5 Ме горӧн кеймися Дӧсвидзисьлӧ.
Аслас вежа керӧс вывсянь Сія менӧ кылӧ.
6 Ме вода, узя да чечча,
Дӧсвидзисьыс эд ме сьӧрын видзӧтӧ.
7 Ог повзьы унася-уна отирись,
кӧдна ӧтмӧдӧрсянь лэбтісьӧны ме вылӧ.
8 Дӧсвидзисьӧ, лэбтісь!
Енӧ, мезды менӧ!
Ме вылӧ лэбтісьӧммезлісь аннэзнысӧ
*б чеглав,
умӧльсӧ кериссезлісь пиннезнысӧ лэдзав.
9 Мезмӧ́мыс
*в ─ Дӧсвидзисьсянь.
Енӧ, Тэ бласлӧви́тан Ассит отиртӧ.
Ошкӧ́м.
*а 3:4 сайӧвтча́н ─ щит
*б 3:8 ан ─ челюсть
*в 3:9 мезмӧ́м ─ спасение
Глава 3
