Bible Stories
Выбрать язык
Choose Old Testament Story
Choose New Testament Story
ИНМЫСЬ МАННА
Калык азьлань мынӥз, Кузё-Инмар сое нуиз. Сӥн шуиськись кыр дуннее вуэм беразы, вань израиль калык Моисеен Аарон вылэ ӟургетыны кутскизы, шуизы, Египетын, пе, умой вал, нош та кыр дуннеын табере нокыӵе но сиёнзы ӧвӧл ни.
Соку Моисей калыклы шуиз: «Кузё-Инмар кылӥз Солы пумит вераськемдэс. Кинъёс ми? Ми вылэ тӥ уд ӟургетӥське, Кузё-Инмар вылэ ӟургетӥськоды». Собере Кузё-Инмар Моисейлы шуиз: «Мон израиль пиослэсь нукыртэмзэс кылӥ. Вера соослы: “Ӝыт тӥ сӥль сиёды, нош ӵукна нянен кӧттэс тыроды. Озьы тӥ тододы, Мон – тӥляд Инмарды Кузё-Инмар луисько шуыса“».
Ӝыт палякаос (бӧдёноос) лобыса лыктӥзы, израиль калыклэн улон интыяз пачылаз люкаськизы. Соослэн ческыт сӥльынызы калык аслыз пӧртэм сиёнъёс пӧраны быгатӥз. Ӵукна соос балаганъёссы котырысь лысвуэз адӟизы. Лысву тӧлӟем бере, музъем вылэ кеньыр кылиз, со пужмерлы укша вал. Та вал Кузё-Инмарлэн вань калыклы инмысь сётэм нянез. Та нянез израиль калык “манна“ шуиз. Солэн шӧмыз чечыен зырам удняньлы укша вал. Ӵапак одӥг нуналлы гинэ тырмымон кеньыр бичаны косӥз Кузё-Инмар. Кин мултэссэ бича ке, уй куспын мултэс луисез ыше-быре вал. Пятницае Инмар косӥз кык нуналлы тырмымон манна бичаны, уго суббота – шутэтскон нунал вал. Кузё-Инмарлэн сётэм пуктон-косонэзъя, та нуналэ нокин но номыр но уг ужа вал. Пятница нуналэ гинэ кык нуналлы тырмымон бичам манна уг ышы-быры вал.
Потон 16:1-31
98 
