Bible Stories
Выбрать язык
Choose Old Testament Story
Choose New Testament Story
ЕГИПЕТЫСЬ ОЖГАРЧИОСЛЭН ГОРД КАМ ЗАРЕЗЕ БЫРОНЗЫ
Египет пиос ялан израиль калык сьӧры уиськыса мынӥзы, вайяськем зарезь шоры соос пыризы. Ӵукна Кузё-Инмар вань египет ожгарчиосты куалектытӥз, ожмаськон уробооссылэсь поглянъёссэс тӥяз, соин ик соос шуген мыноно луизы. Тае адӟыса, египет пиос ог-огзылы шуизы: «Ваелэ израиль калыклэсь палэнскоме, соос палан Кузё-Инмар асьмелы пумит нюръяське ук».
Инмар калык зарезь вамен сюй вылтӥ потэм бере, Кузё-Инмар Моисейлы шуиз: «Кидэ зарезь пала мыч, египет пиосты ожмаськон уробоосынызы, валъёсынызы валче зарезь ву мед шобыртоз». Кузё-Инмарлэсь косэмзэ Моисей быдэстӥз, соку ик зарезьысь ву ас интыяз берытскиз но вань египет пиосты ӝокатӥз.
Озьы Кузё-Инмар со нуналэ Ас калыксэ мозмытӥз. Израиль калык адӟиз египет пиосты вормем Кузё-Инмарлэсь туж быдӟым кужымзэ. Калык Кузё-Инмар азьын куалекъяса улӥз, Солы но, Солэн Моисей ляльчиезлы но оскыны кутскиз. Соку Моисей вань калыкен ӵош, быдӟым Мозмытӥсез данъяса, та сюлме пырись кырӟанэз кырӟаз:
«Кузё-Инмар – Со мынам юнматскон, данъяськон интые, Со мынам утиськон сётӥсе. Со – мынам Инмаре, мон Сое данъяса уло. Тынад бур киыд, Кузё-Инмаре, кужымен данэ потӥз; Тынад бур киыд, Кузё-Инмаре, тушмонъёсты погыртӥз. Аслад быдӟым данэныд пумит султэмъёсты Тон Ачид погыртӥд. Инмаръёс пӧлын, кин Тонэн ӵошатскыны быгатоз? Кузё-Инмаре, паймымон ужъёсты Лэсьтӥсь, вань-а Тыныд укшасез? Дун-шектэм луонэд верантэм быдӟым, Тынад данлыкед дуннеез куалекъятэ. Кузё-Инмар пумтэм вапумъёс ӵоже эксэй луоз!»
Потон 14:23-31; 15:1-18
96 
