Bible Stories
Выбрать язык
Choose Old Testament Story
Choose New Testament Story
ИОСИФЛЭН КИВАЛТӤСЬ ЛУОНЭЗ
Вузчиос Египетэ вуэм беразы, Иосифез эксэез (фараонэз) утись-чакласьёслэн кузёйырзылы вузазы. Ялан вӧсяськыса улӥсь Иосифлы Кузё-Инмар котькыӵе учыре но юрттӥз. Соин ик, ляльчи радын улыкуз, Иосиф вань лэсьтоно ужъёссэ азинлыко быдэсъяз. Солэн кузёез, Потифар, шӧдӥз: Иосиф кыӵе гинэ уж борды уг кутскы, Кузё-Инмар солы азинлык, берекет сётэ. Со понна со Иосифез яратӥз, ваньзэ, маиз вал, солэн ки улаз сётӥз, юртэныз кивалтӥсь кариз. Иосифлы луыса, эксэй юртын ужась-тыршисьлэсь улон интызэ Инмар бакель кариз. Кузёйырлэн юртэныз Иосиф быгатыса, визьмо кивалтӥз, солэн кузёез нокыӵе сюлэмшугъяськонъёстэк улӥз.
Иосиф – син шоры йӧтымон йӧно пи вал. Озьы луиз: Потифарлэн кышноез солы синмаськиз. Та кышномурт язычникъёс пӧлысь, Кузё-Инмарез, Солэсь курон-косонъёссэ тодӥсьтэм мурт вал, соин ик со Иосифез азон сьӧлык лэсьтон пала кыскыны кутскиз. Инмарез яратӥсь Иосиф кышномуртлэсь куронзэ санэ ӧз поны, со шуиз: «Кызьы мон быгато Инмар азьын таӵе бадӟым сьӧлык лэсьтыны?!»
Иосифлэсь соглаш луымтэзэ адӟыса, Потифарлэн кышноез малпаз солы пумит сьӧсь уж лэсьтыны. Кузпалызлы со Иосиф сярысь ӧрекчи кылъёс вераз: «Еврей ляльчиед мон доры вуылыса, малпаз монэ сантэманы. Мон кесяськыны кутски но, со аслэсьтыз дӥськутсэ мон кие кельтыса пегӟиз». Иосифлэн кузёез кышноезлэсь та верам кылъёссэ кылӥз но вераны луонтэм йыркурен пурӟиз, Иосифез пытсэтэ куштыны косӥз.
Улон-вылон 39:1-20
66 
