Bible Stories
Выбрать язык
Choose Old Testament Story
Choose New Testament Story
ТАВИФА
Шор (Средиземной) зарезь дурын Иоппия озон*а кар сылэ, но али сое Яффа шуо. Иоппияын улӥз Тавифа нимо одӥг дышетскись, солэн нимыз “кыр кеч“ шуэм луэ. Со трос ӟеч ужъёс лэсьтыса улӥз, ёрмыса улӥсьёслы трос юрттэт сётылӥз. Со нуналъёсы озьы луиз: Тавифа висьыны кутскиз но кулӥз. Сое гылтӥзы но коркалэн бадӟым палаз понӥзы.
Петр апостол со виын Лидда карын вал. Иоппияысь вӧсяськись калык Лидда каре Петрез ӧтьыны кык адямиосты ыстӥз.
Петр соосын ӵош татчы лыктӥз. Вуэм бераз, сое коркалэн бадӟым палаз пыртӥзы, вань палкышноос бӧрдыса сое котыртӥзы. Кыр Кечлэсь соосын огазьын улыкуз лэсьтылэм дэремъёссэ, дӥськутъёссэ возьматъязы. Петр ваньзэс педло поттэм бераз, пыдесъяськыса вӧсяськиз но кулэм мугор пала берытскыса шуиз: «Тавифа! Султы!» Тавифа, синъёссэ усьтэм бераз, Петрез адӟыса пуксиз. Петр солы кизэ сётыса султыны юрттӥз. Ваньзэс вӧсяськисьёсты, палкышноосты ӧтьыса, Тавифа улэп шуыса возьматӥз. Та ивор быдэс Иоппияе вӧлмиз; та бере тросэз Кузё-Инмарлы оскыны кутскизы. Петр трос нуналъёс ӵоже Иоппияын ку посӥсь Симон дорын улӥз.
Инмар Кыл асьмеды дышетэ ӟеч ужъёс лэсьтыса, агай-вынъёслы юрттӥськыса улыны... «Ӟеч уж лэсьтыны эн жаде. Ӧм ке лябӟе, кизем бусымес ас дыраз араломы».
Апостолъёслэн ужъёссы 9:36-43; Галатияын улӥсьёслы ыстэм гожтэт 6:9
*а Озон – вашкала удмурт кыл; ‘порт; гавань, переправа’ шуэмез возьматэ.
462 
