Bible Stories
Выбрать язык
Choose Old Testament Story
Choose New Testament Story
ПЕТРЛЭН ТОДЫТОНЭЗ
Петр дас одӥг апостолъёсын ӵош люкаськем калык азе султӥз но куаразэ бадӟым карыса шуиз:
«... Израильысь воргоронъёс! Та кылъёсты пеляды понэ: Назаретысь Иисус тӥ понна Инмарлэн быръем Пимуртэз луэ. Тае Инмар кужмоесь, паймымонэсь ужъёс, паймымонэсь тодметъёс пыр юнматыса возьматӥз. Соосты Инмар тӥ пӧлын Иисус пыр лэсьтӥз. Тае тӥ асьтэос тодӥськоды. Инмарлэн эрикезъя, Солэн азьвыл ик мылкыд каремезъя, Иисус тӥ кие сётэмын вал, нош тӥ кутӥды но законэз тодытэк улӥсьёслэн киынызы Сое кортӵогаса вииды. Кулонлэсь жильыетсэ тӥяса, Инмар Сое улӟытыса султытӥз, – кулонлэн Сое кутыса воземез уг луы вал уго...
Сое Инмар Аслаз бур палаз ӝутэм бере, Атайлэсь сӥзем Святой Духсэ Со басьтӥз но тӥ вылэ кисьтӥз, кудзэ тӥ табере асьтэос адӟиськоды, кылӥськоды... Озьыен, быдэс Израиль калык, юн тод: Инмар со Иисусэз, Кудзэ тӥ кортӵогады, Кузё-Инмар но, Христос (Мессия) но кариз шуыса».
Та веранэз кылэм беразы, адямиослэн сюлэмзы чутрак луиз. Петрлы но, мукет апостолъёслы но соос шуизы: «Агай-вынъёс, милемлы мар кароно?» Петр соослы шуиз: «Сьӧлыкъёсты мед куштӥськозы шуыса, сьӧлыкъёсты понна ӧбкеле но ваньды Иисус Христослэн нимыз понна пылатӥське, соку Святой Духлэсь кузьым басьтоды. Уго тӥледлы сӥзён сётэмын, тӥляд нылпиостылы но, озьы ик, ваньмызлы, кинъёс али Инмарлы кыдёкын уло на, – ваньмызлы, кинэ гинэ Кузё-Инмар асьмелэн Инмармы уз ӧтьы».
Со нуналэ Петрлэсь верам кылзэ трос адямиос шумпотыса кабыл басьтӥзы, ог куинь сюрс мурт пылатӥськиз (чукынӥськиз). Со дырысен, нуналлы быдэ, тросгес но тросгес калыкез Кузё-Инмар Черк пала берыктӥз.
Апостолъёслэн ужъёссы 2:14-47
446 
