Bible Stories
Выбрать язык
Choose Old Testament Story
Choose New Testament Story
ЙЫРОМЕМ ПИЛЭН БЕРТОНЭЗ
Иисус азинтӥз йыромем пи сярысь мадёнзэ: «Кыдёкысен ик сое атаез адӟем но жаль потэм, бызьыса мынэм но чырты бордаз ӟыгыртӥськыса чупам сое. Нош пиез солы шуэм: “Атай! Инлы но, тон азьын но сьӧлыкай, мон тынад пиед шуыны но ярасьтэм луи ни“. Атаез ляльчиосызлы верам: “Ваелэ умойзэ дӥськут, – дӥсялэ сое, кияз зундэс сётэ, пыдаз – пыдкутчан. Ваелэ куайытэмзэ кунянэз но вандэлэ: сиёме, шулдыръяськоме, уго мынам таиз пие кулэмын вал, но улӟиз; ышыса улӥз, но сюриз“. Шулдыръяськыны кутскиллям. Бадӟымез пиез бусыын вылэм. Бертыкуз, дорезлы матэ вуыса, кырӟам, шулдыръяськем куараосыз кылэм. Медоос пӧлысь одӥгзэ ӧтьыса юам: “Мар та таӵе?“ Соиз солы шуэм: “Выныд бертӥз но, атаед куайытэм кунянзэ вандӥз, малы ке шуоно, со таза куен берытскиз“. Со вожзэ поттэм, корка пырыны ик уг ни малпа вылэм. Нош атаез потыса сое ӧтем. Но со атаезлы ответ сётыса шуэм: “Тани, кӧня ар мон тыныд ужасько ни, одӥг косондэ но быдэстытэк ӧй кельты, нош тон мыным эшъёсыным шулдыръяськыны кечпидэ но ӧд сёты. Нош тани, та пиед, юртъер люкетсэ азэм нылъёсын калгыса быдтыса бертӥз но, тон со понна куайытэм куняндэ вандӥд“.
Атаез солы шуэм: “Пие! Тон котьку но монэн огазьын, маи мынам вань – со ваньмыз тынад. Со понна кулэ вал шумпотыны, шулдыръяськыны: та выныд кулэмын вал, но улӟиз; ышыса улӥз, но сюриз“».
Лукалэсь Ӟеч Ивор 15:20-32
374 
