Bible Stories
Выбрать язык
Choose Old Testament Story
Choose New Testament Story
ЙЫРОМЕМ ПИ СЯРЫСЬ МАДЁН
Иисус калыклы эшшо таӵе мадён вераз на: «Кыӵе ке но адямилэн кык пиез вылэм. Соос пӧлысь покчиез атаезлы шуэм: “Атай! Вай мыным юртъерлэсь сюроно люкетсэ“. Атаез юртъерзэ соослы люкем. Трос ик нунал ортчымтэ, покчиез пи аслэсьтыз люкетсэ басьтэм но кыдёкысь шаере кошкем, калгыса, азыса улэм но отын вань юртъер люкетсэ тус-тас карем. Ваньзэ быдтэм бераз, со кунын туж секыт сютэм ар луэм но, со ӟудыса улыны кутскем. Мынэм но та кунын улӥсь одӥг мурт доры интыяськем, нош соиз бусыяз парсьёсты возьманы сое ыстэм. Со шумпотыса кӧтсэ тырысал парсьёслы сюдоно пуртэсо сиёнэн, нош солы нокин но сое уг сёты вылэм. Визь пырем бере, со шуэм: “Атае дорын кӧня медъяськем муртъёс нянен тыр уло, нош мон сютэм кулӥсько ини! Султо, мыно атае доры но солы шуо: Атай! Инлы но, тон азьын но сьӧлыкай, мон тынад пиед шуыны но ярасьтэм луи ни. Басьты монэ медоосыд радэ“. Султэм но атаез доры кошкем».
Лукалэсь Ӟеч Ивор 15:11-19
(кылемзэ учкы)
372 
