Bible Stories
Выбрать язык
Choose Old Testament Story
Choose New Testament Story
АВРААМ НО ЛОТ
Авраам но соин ӵош потэмъёс Кузё-Инмарлэн возьматэм Ханаан музъем вылтӥз мынӥзы. Вефиль ёросэ вуыса, соос отчы дугдӥзы.
Авраам туж узыр вал. Зарниез, азвесез, трос пудо-животэз вал солэн. Братэзлэн Лот пиезлэн но балаганъёсыз, лачак пудо-животэз вал. Ваньбурзы трос люкаськемен, соослы огазьын улыны ӝикыт луыны кутскиз. Пудо возьмасьёссы куспын ченгешонъёс потылыны кутскизы. Соку Авраам Лотлы шуиз: «Асьме куспын, пудо возьмасьёсмы куспын ченгешонъёс медаз ни луэ, – асьмеос ӵыжы-выжыос ук! Быдэс музъем тынад син азяд. Люкиськы ук мон дорысь. Тон паллян пала мынӥд ке, мон бур пала кожо; нош тон бур пала мынӥд ке, мон паллян пала мыно».
Лот котырак дуннеез учкиз но адӟиз: Иордан нёжалысь музъем туж удалтӥсь, вуэз но тырмыт. Лот та интыез аслыз бырйиз но, Авраамлэсь люкиськыса, балаганъёссэ Содом город вӧзозь пуктылӥз. Та городын улӥсьёс туж лекесь вал, Кузё-Инмар азьын трос сьӧлыкаса улӥзы.
Улон-вылон 13:1-18
36 
