Bible Stories
Выбрать язык
Choose Old Testament Story
Choose New Testament Story
ГУРЕЗЬ ЙЫЛЫН ТОДЫТОН:
ИНМАРЛЫ ОСКИСЬКОН СЯРЫСЬ
«Музъем вылэ асьтэлы ваньбур эн люкалэ, отын сое кей сие, сыномыса быре, лушкаськисьёс гудӟиськыса пыро но нуыса кошко. Асьтэлы ваньбур Инме люкалэ, отын кей но уг сиы, сыномыса но уг быры, лушкаськисьёс но гудӟиськыса уг пыро, уг лушкало. Уго кытын тӥляд ваньбурды, отын ик луоз сюлэмды но. Мугорлэн югдытӥсез син луэ. Озьыен, синмыд чылкыт ке луиз, быдэс мугорыд югыт луоз. Синмыд тынад урод ке, быдэс мугорыд пеймыт луоз...
Нокинлэн но кык кузёлы служить каремез уг луы: уго одӥгзэ адӟемпотостэм кароз, нош мукетсэ – яратоз; яке огезлы сюлмысьтыз тыршоз, нош мукетыз сярысь уз сюлмаськы. Уд быгатӥське Инмарлы но, маммоналы*а но огдыре служить карыны. Соин ик тӥледлы шуисько: эн сюлмаське лулды понна – мар сиём, мар юом, мугорды понна – мар дӥсялом шуыса. Лулды бадӟымгес ӧвӧла сиёнлэсь, мугорды – дӥськутлэсь? Учкелэ инмысь тылобурдоос шоры: соос уг кизё, уг арало, кеносазы но уг люкало; но Инмысь Атайды сюдэ соосты. Тӥ соослэсь трослы умоесь ӧвӧла? Тӥ пӧлысь кин бен, сюлмаськиз ке но, быгатоз одӥг гырпум кузьда ке но мугорзэ ӝужыт карыны? Дӥськут сярысь но малы сюлмаськиськоды? Учкелэ бусы сяськаос шоры, кызьы соос будо: уг ужало, уг черсо. Но тӥледлы верасько: Соломон но туж дано дыръяз ӧз дӥсяськы, соос пӧлысь кудӥз ке но огез кадь. Бусы турынэз, кудӥз туннэ вань, нош ӵуказе гуре куштэмын луоз, Инмар озьы дӥся ке, эшшо но умойгес уз дӥсяа тӥледыз, ӧжыт оскисьёс? Озьыен, эн сюлмаське, эн но шуэлэ: “Мар милемлы сиёно?“, яке: “Мар юоно?“, яке: “Мар дӥсяно?“ Малы ке шуоно, ваньзэ тае язычникъёс утчало, тӥляд Инмысь Атайды тодэ уго, ваньмыз таос тӥледлы кулэ шуыса. Нырысь ик Инмарлэсь Эксэйлыксэ но Солэсь шонерлыксэ утчалэ, нош ваньмыз мукетыз тӥледлы сётэмын луоз...»
Матфейлэсь Ӟеч Ивор 6:19-34
*а Маммона – узырлык-байлык.
336 
