Bible Stories
Выбрать язык
Choose Old Testament Story
Choose New Testament Story
ИИСУС ХРАМЫСЬ ВУЗКАРИСЬЁСТЫ УЛЛЯ
Иудейёслэн Быдӟымнунал (Пасха) праздниксы вуон азьын, Иисус Иерусалиме лыктӥз. Храме пырем бераз адӟиз отын ошъёсын, ыжъёсын, дыдыкъёсын вузкарисьёсты, коньдон вошъяса пукисьёсты. Гозылэсь сюло пунӥз но ваньзэс храмысь улляса поттӥз, озьы ик ыжъёсты, ошъёсты но, коньдон вошъясьёслэсь уксёзэс пазьгиз, ӝӧкъёссэс кымалтӥз. Дыдык вузасьёслы шуиз: «Тае татысь басьтэ. Атаелэсь корказэ вузкарон корка эн каре». Соку дышетскисьёсыз тодазы ваизы тазьы гожтэмез: «Тынад коркаед понна тыршон Монэ курадӟытэ».
Та пумысен иудейёс Иисуслы шуизы: «Тазьы лэсьтыны эрик ваньдэ, кыӵе тодметэн Тон милемлы возьматод?» Иисус соослы ответ сётыса шуиз: «Куашкатэ та храмез, нош Мон куинь нунал куспын сое ӝуто». Иудейёс Солы шуизы: «Та храмез ньыльдон куать ар ӵоже лэсьтӥзы, нош Тон сое куинь нунал куспын ӝутод?» Нош Иисус Ас Мугорызлэн храмез сярысь вера вылэм. Со кулэмысь улӟыса султэм бере, дышетскисьёсыз тодазы ваизы Солэсь та верам кылъёссэ. Священной Гожтэмлы но, Иисуслэн верам кылъёсызлы но соос оскизы.
Быдӟымнунал дыръя Иерусалимысен Иисуслэсь паймымон ужъёс лэсьтэмзэ адӟыса, тросэз Солы оскыны кутскизы.
Иоаннлэсь Ӟеч Ивор 2:13-23
320 
