Bible Stories
Выбрать язык
Choose Old Testament Story
Choose New Testament Story
ЕККЛЕСИАСТЛЭН КНИГАЕЗ
“Екклесиастлэн книгаяз“ туж чебересь, визьмоесь веранъёс вань. Тани отысь кӧня ке чуръёс:
«Алекъяськонъёслэн*а алекъяськонзы, – шуиз Екклесиаст, – алекъяськонъёслэн алекъяськонзы – ваньмыз кулэтэм алекъяськон!
Куректон-кайгу серекъян-горонлэсь умойгес, уго куке ымныр ӝожмыт луэ, соку сюлэм йӧнгес луэ.
Визьлык ожмаськон тӥрлыклэсь умойгес; одӥг сьӧлыкась мурт трос ӟечсэ быдтоз.
Гу гудӥсь мурт отчы ачиз усёз; кенерез тӥясь муртэ кый куртчоз.
Ву кузя няньдэ лэзь, – трос нуналъёс ортчем бере, нош ик сое шедьтод.
Пинал пи, егит дыръяд шулдыръяськы, егит дыръяд сюлмад шумпотон мед пыроз, мар лэсьтэмед потэ, лэсьты, кытчы синъёсыд мертчисько, отчы мын, но тод: вань та ужъёсыд понна Инмар тонэ судэ вуттоз.
Егит дырысеныд Кылдытӥсьтэ тодад возь, – секыт нуналъёс но тазьы шуон аръёсыд вуытозь: “Соос бордын мыным шумпотон ӧвӧл!“; куке шунды но, югыт но, толэзь но, кизилиос но кысозы, зор бере выльысен пилемъёс люкаськозы; куке корка возьмасьёс куалекъялозы, кужмоесь воргоронъёс куасалскозы; пызь изӥсьёс изэмысь дугдозы, уго соос ӧжыт кылизы; укное учкисьёслэн ымныръёссы ӝожомозы; ульчае потон ӧсъёс пытсамын луозы; кикӧлэн куараез уз ни кылӥськы, адямиос но атас чортэм куарая уз ни султэ, кырӟам куараос но уз ни кылӥське; ӝужыт интыос шурдытозы, нош сюрес вылын шимес ужъёс луозы; миндальпу сяська поттоз, ӟоз секытомоз, каперс кидыс кисьтӥськоз, но адями бырисьтэм юртаз кошке, бӧрдӥсь кышноос сое котыртыны дасяськыса уло. Тодад возь Сое – азвесь жильы чигиськытозь, зарни думет ӟезиськытозь, ошмес дуре кунган пильыськытозь, гудӟем (колодча) йылысь поглян усьытозь. Сюйлэсь кылдытэм сюе пыроз, нош Инмарлэн сётэм духез Инмар доры берытскоз».
*а Алекъяськон – суета, суматоха.
260 
