Bible Stories
Выбрать язык
Choose Old Testament Story
Choose New Testament Story
МАДЁНЪЁСЫН КНИГА
Библиысь одӥгез люкет “Соломонлэн мадёнъёсыныз книга“ шуыса нимаське. Троссэ мадёнъёсты гожтӥз визьлыко Соломон эксэй. Та мадёнъёслэсь пуштроссэс усьто улӥын сётэм кӧня ке веранъёс, дышетонъёс:
«Визьлыклэн инъетэз – Кузё-Инмарлэсь кышкан; укылтэмъёс гинэ визьлыкез, визьман-нодъянэз кулэтэм каро.
Пие! Сьӧлыкоос асьсэ пала карыны кутскизы ке, эн кылзӥськы.
Аслад визьмыд вылэ эн оскиськы, вань сюлмыныд оскиськы Кузё-Инмар вылэ. Мар гинэ тон уд лэсьтӥськы, Инмарез тодад вай, Со тыныд сюрес возьматоз.
Пие! Кузё-Инмарлэсь вӧсь каронъёссэ кулэтэм эн кары, секыт медаз поты, куке Со тынэсьтыд сьӧлыкъёстэ шарае поттэ; уго кинэ яратэ Кузё-Инмар, сое Со вӧсь каре.
Пие! Атаедлэсь курон-косонъёссэ уть, анаедлэсь валэктонъёссэ кулэтэм эн кары.
Монэ яратӥсьёсты яратӥсько, Монэ утчасьёс Монэ шедьтозы.
Куанер муртэ ӝикатыса-ёртыса возись мурт солэсь Кылдытӥсьсэ сантэма; Кузё-Инмарез сӥё-дано карись мурт ёрмыса улӥсьлы ӟеч лэсьтэ.
Шонерлык калыкез ӝутэ, нош законлы пумит улон – сое сантэма.
Кызьы улыны адями аслыз сюрес утча ке но, Кузё-Инмар солэн вамышъёсыныз кивалтэ.
Атаезлэсь ваньбурзэ тус-тас карись, анайзэ уллясь мурт – юрӟым, ӟечез тодӥсьтэм нылпи.
Егит пиез улыны кутскон азяз визьма, соку со пересьмем бераз но урод пала уз ни кожылы.
Пие! Сюлэмдэ мыным сёт, синъёсыд сюресъёсме чакласа-эскерыса мед улозы.
Тушмонэд сютэм ке, сое нянен сюд; сюэз ке куасьме, – вуэн секта».
258 
