Bible Stories
Выбрать язык
Choose Old Testament Story
Choose New Testament Story
ИОВ КУРАДӞОНЪЁС ПЫР ПОТЭМ БЕРЕ
Иов эшъёсыныз вераськыса улыку, сильтӧллы укшась куара шуккиськиз, сильтӧл пушкын Кузё-Инмарлэн куараез кылӥськиз. Инмар юанъёс сётъяны кутскиз, но соослы ответ сётыны уг луы вал, соку Иов эшшо но ӟечгес валаз, макем быдӟым, котьмае лэсьтыны быгатӥсь Инмар. Кузё-Инмар вераськемысь дугдэм бере, Иов Солы шуиз: «Тодӥсько, Тон ваньзэ быгатӥськод, Тынад малпам ужедлы люкетыны уг луы».
Инмар Иовез чакламез-эскеремез бере, мар Иов ыштӥз вал, солы берен ваньзэ берыктӥз, маиз азьвыл вал, со интые кык пол тросгес карыса сётӥз. Нош буйгатыны выремъяськись Иовлэн эшъёсызлы Кузё-Инмар, шонер верамтэзы понна, зол вожзэ поттӥз. Соин ик асьсэ понна курбон вайыны косӥз, шуиз, Иов, пе, соос понна мед вӧсяськоз, малы ке шуоно, солэсь гинэ вӧсяськемзэ Инмар кабыл басьтэ, пе. Эшъёс Кузё-Инмарлэн верамезъя лэсьтӥзы но, Иовлэн вӧсяськеменыз, Инмар соослэсь сьӧлыкъёссэс ӵушиз.
Курадӟонъёс пыр потэм бераз, Иов доры агай-вынъёсыз, сузэр-апайёсыз, вань тодмоосыз саламъёс вайыса лыктӥзы. Азьвыл улэм аръёсыз сярысь, Иовлэсь берпум нуналъёссэ Инмар эшшо но юнгес бакель кариз. Шугадӟонъёсыз бере Иов кема улӥз на дунне вылын, сизьым пиосыз, куинь нылъёсыз вордскизы на. Быдэс дунне вылын Иовлэн нылъёсыз кадь чебересь кышномуртъёс ӧй вал.
Иов, 37-тӥ – 42-тӥ люкетъёс
252 
