Bible Stories
Выбрать язык
Choose Old Testament Story
Choose New Testament Story
ВУ НЮРТОН. НОЙ КОВЧЕГ*а ЛЭСЬТЭ
Сю аръёс бӧрсьы сю аръёс ортчизы, музъем вылэ вордскизы трос адямиос – Адамлэн но Евалэн выжызы. Нырысь-валысь тросэз соос Инмарлэсь кышканэн, Солы ужаса-тыршыса улӥзы, но пумен соос Инмарлэн эрикезлы тэрытскыса улэмысь дугдӥзы. Ной нимо одӥг адями гинэ аслаз Кылдытӥсезлы оскиськымон улӥз, Солэсь эриксэ быдэсъяса улӥз. Кыкетӥяз ыстэм гожтэтаз Петр апостол сое “шонерлыкез тодытӥсь“ шуыса нимаз. Инмарлэн Духез Нойлэн сюлмаз улӥз. Со Инмарез туж яратыса улӥз.
Кузё-Инмар адӟиз, музъем вылын адямиос туж азыса-сьӧлыкаса уло, сюлэм малпанъёссы, мылкыдзы урод-лек ужъёс вылын улэ; котькудӥзлэн адямилэн музъем вылын улон сюресэз кырыже кожиз. Соку Инмар шуиз: «Музъем вылысь Аслэсьтым вань кылдытэм адямиосме быдто, жалясько соосты кылдытӥ шуыса».
Нош Ной Кузё-Инмар азьын дэлет басьтӥз. Инмар солы шуиз: «Вань адямиослэн быронзы Мынам азям вуиз, уго музъем выл пачылмиз соослэн сьӧсь ужъёсынызы. Тани, табере Мон соосты музъем вылысь быдто. Аслыд гофер пулэсь пыж (ковчег) лэсьты; висъетъёс отчы лэсьты, кыр ласянь но, пуш ласянь но сое юрсирен зыра... Музъем вылэ бадӟым ву лэзё, ин улысь вань улэп шокась лулъёсты быдтон понна; мар вань музъем вылын, ваньмыз быроз. Но тонэн валче Мон Аслэсьтым сӥзёнме усьто, соку тон пыже пырод, тонэн огазе пырозы кышноед, пиосыд, кенъёсыд».
Инмарлэсь косонзэ кылэм бераз, Ной пыж (ковчег) лэсьтыны кутскиз. Вань ёрос калыклы со ӵем дыръя вералляз, ӝоген музъем вылэз ву нюртоз но вань улэп макеосты быдтоз шуыса. Адямиосты со куриз, косӥз, сюлвориз урод ужъёс лэсьтэмысь дугдыны, сьӧлыкъёссы понна ӧбкельыса соослэсь куштӥськыны но Инмар пала кариськыны. Нош одӥг мурт но солэсь верамзэ санэ ӧз поны.
Улон-вылон 6:5-18
*а Ковчег – татын: бадӟым пыж; корабль.
24 
