Bible Stories
Выбрать язык
Choose Old Testament Story
Choose New Testament Story
КАИН НО АВЕЛЬ
Та суред вылын кык егит муртъёс – Адамен Евалэн пиоссы. Соос пӧлысь одӥгез, Авель, ыж возьмась вал, Каин – музъем ужась. Одӥг пол Каин ас музъемаз будэтэм емышъёссэ Инмарлы салам ваиз. Авель но нырысь вордскем ыжъёссэ, кӧй-вӧйзэ курбонлы*а сётӥз. Кузё-Инмар Авелез но солэсь саламзэ синйылтӥз, нош Каинэз но солэсь саламзэ ӧз синйылты. Каин ӝоже усиз, йырзэ ошиз. Соку Кузё-Инмар Каинлы шуиз: «Малы ӝоже усид, йырдэ ошид? Ӟеч уж лэсьтӥськод ке, йырдэ вылэ уд ӝуты-а? Нош ӟеч уж уд ке лэсьтӥськы, ӧс выжыын сьӧлык кылле, со тонэ ас дораз ӧте, но тон солы эн сётӥськы».
Нош Каин сьӧлыкез вормыны ӧз быгаты, со ялан вынызлы вожъяськыса улӥз. Одӥг пол, кыкназы ик агай-вынъёс бусыын дыръя, Каин Авель вылэ урдскиз но сое вииз.
Кузё-Инмар Каинэз сьӧлыкез понна вӧсь кариз, со уллям мурт луиз, музъем вылтӥ костаськись пыдйылчилы пӧрмиз.
Тӥни, кыӵе шимес сьӧлык лэсьтыны быгатэ сюлэмын ватӥськыса улӥсь вожъяськон! Соин ик, сьӧлыкъёслэсь утиськон понна сак, вӧсяськыса улыны кулэ, Кузё-Инмарлэн кужыменыз сьӧлыкез вормыны тыршоно.
Улон-вылон 4:2-12
*а Курбон – жертва, жертвоприношение
22 
