Bible Stories
Выбрать язык
Choose Old Testament Story
Choose New Testament Story
ДАВИД НО ГОЛИАФ
Филистим пиос израиль калыкен ожмаськыны войскозэс люказы. Атаез, кӧня ке улыса, Давидэз агайёсызлы нянь нуыны ыстӥз, тазалыксэс, улэм-вылэмзэс тодыны косӥз.
Давид, агайёсыныз вераськыса улон дыръяз, туж ӝужыт, таза Голиаф нимо филистим пиез адӟиз. Солэн вылаз ыргон дӥсь дӥсямын вал, йыраз – ыргон изьы, кияз туж бадӟым шибоды, щит кутыса возиз. Израиль калык пӧлысь Голиафен ожмаськыны потыны нокин но ӧз дӥсьты – солэн шимес тусбуезлэсь кӧшкемаса. Голиафлэсь улэп Инмарез, израиль ожгарчиосты сантэмамзэ Давид кылӥз но, Саул доры лыктыса, Голиафен ожмаськыны со мед лэзёз шуыса куриськиз. Нош Саул солы шуиз: «Тон егит на, нош со ожъёсты адӟем мурт ини». Соку Давид Сауллы мадиз, кызьы Инмар солы юрттӥз пудо возьмакуз левъёсты, гондыръёсты вормылыны. Табере Саул сое ожмаськонэ потыны лэзиз, вылаз корт дӥсь дӥсяз, йыраз ыргон изьы изьыяз. Нош Давид таӵе дӥсянлы дышемын ӧй вал. Соин ик выл дӥсянзэ кылиз, шурысь вить ӵошкытэсь изъёс басьтыса, пудо возьман сумкаяз понӥз но филистим пиен ожмаськыны султӥз.
Давидлэсь пумитаз лыктэмзэ адӟыса, Голиаф серекъяны кутскиз: «Мар-о тон, мыным пумит бодыен-а мар-а лыктӥськод? Мон пуны шат?!» Давид солэн пумитаз шуиз: «Тон мон пумитэ мечен, шибодыен, щитэн лыктӥськод, нош мон тынад пумитад мынӥсько Израиль калыклэн Инмарезлэн, Саваоф Кузё-Инмарлэн нимыныз, кудзэ тон сантэмаса улӥд». Соку Давид сумкаысьтыз иззэ поттӥз но сое из зӥръян арберияз понӥз. Отысь зӥртэм изэз Голиафлэн кымыс шораз ик йӧтӥз, – соиз кулыса музъем вылэ усиз. Батырзылэсь быремзэ адӟыса, филистим ожгарчиос пегӟыны кутскизы.
1 Эксэйлык 17:1-53
160 
