Bible Stories
Выбрать язык
Choose Old Testament Story
Choose New Testament Story
МУЗЪЕМ УЧКЫНЫ ЛЫКТЭМЪЁСТЫ РААВ УТЕ
Моисей кулэм бере, Кузё-Инмар Навин Иисуслы шуиз: «Мынам ляльчие, Моисей, кулӥз; табере тон вань калыкен ӵош, Иордан пыр потыса, Израиль пиослы сётоно музъемам мын. Кызьы Моисейлы сӥзи, кытчы пыдды лёгиськоз, со музъемез тӥледлы сёто. Тыныд пумит сылыны нокин но, ноку но уз быгаты. Кызьы Мон Моисеен ӵош вал, тонэн но огазьын луо, уг кушты тонэ. Но юн, кышкасьтэм лу; ляльчиелэсь, Моисейлэсь, сётэм законзэ сюлмысьтыд быдэсъя, бур пала но, паллян пала но эн кожылы, соку ужад азинлыкез луоз».
Израиль калык Ханаан музъемлы матэ но матэ вуиз, ӝоген соослы отын улӥсьёсын ожмаськыны кулэ луоз. Ӝоген юнматэм Иерихон карлэн борддоръёсыз адскизы ни. Чакланы-эскерыны Иерихонэ Навин Иисус кык израиль пиосты ыстӥз. Отчы вуэм беразы, соос Раав нимо кышномуртлэн юртаз кӧлыны дугдӥзы. Кин ке но Иерихонысь эксэйлы ивортэм, израиль калык пӧлысь городэз чакланы-эскерыны лыктэмъёс, пе, вуиллям но Раавлэн юртаз дугдӥллям. Эксэй соосты кутыны косӥз.
Израиль калыклы Инмар паймымон ужъёс лэсьтылӥз шуыса, Раав кылӥз но оскиз: Кузё-Инмар Иерихонэз соослы сётоз, уго та город израиль калыклы сӥзем музъем вылын сылэ. Соин ик со, Инмарлы оскыса, чакланы-эскерыны лыктэмъёсты ватӥз, нош эксэйлэн медоосызлы «соос ӝыт кошкизы» шуиз. Медоос уиськыса, Иерихонысь Иордан пала нуись сюрес вылэ потӥзы. Уин израиль пиосты Раав гозы кузя, укно пыр лэзиз. Коркаез солэн городлэн борддор пушказ вал. Соос сьӧры уиськись медоосын пумиськонтэм понна, соосты со гурезе мыныны но отын куинь нунал ӵоже ватӥськыса улыны косӥз.
Навин Иисус 1:1-7; 2:1-16
128 
