Bible Stories
Выбрать язык
Choose Old Testament Story
Choose New Testament Story
МОИСЕЙЛЭН КУЛОНЭЗ
Кузё-Инмар Моисеез Нево гурезь йылэ тубыны косӥз. Со гурезь сылэ Моавит музъемын, Иерихон карлы ваче беринын. Кузё-Инмар Моисейлы тон та гурезе кулод шуиз. Моисей гурезь йылэ тубем бере, Кузё-Инмар солы возьматӥз Авраамлы, Исааклы, Иаковлы, соослэн выжызылы сётыны сӥзем быдэс музъемез. Кузё-Инмар шуиз: «Тани та музъем. Мон сое тыныд возьматӥ, но тон отчы уд пыры».
Кузё-Инмарлэн верамезъя, Кузё-Инмарлэн ляльчиез Моисей отчы кулӥз. Веффегорлы ваче беринэ, Моавит музъемысь нёжалэ, со ватэмын, туннэ нуналозь но нокин уг тоды, кытын солэн ватэм гуэз. Кулыкуз Моисейлы сю кызь арес вал, но синмыз ӧз лябӟы, кужымез но ӧз быры. Куамын нунал ӵоже израиль пиос Моисей понна Моавит ӵошалъёсын бӧрдыса улӥзы. Израильлэн ӧй ни вал Моисей кадь пророкез, кинэн Кузё-Инмар ваче ымныр учкыса вераськиз. Кузё-Инмар Моисеез Египетэ ыстӥз, отын со фараон азьын, солэн ужась-тыршисьёсыз азьын бадӟымесь тодметъёс, паймымон ужъёс возьматылӥз. Быдэс Израиль азьын со туж бадӟымесь паймымон ужъёс лэсьтылӥз.
Навинлэн пиез Иисус, Моисей со вылэ кизэ понэм бере, визьлыкен пачылмыса, Моисейлэн воштӥсез луиз. Израиль пиос солы тэрытскыса улӥзы, Моисей пыр Кузё-Инмар соослы мар карыны косӥз, сое ик соос быдэсъязы.
2-тӥ закон 34:1-12
126 
