Bible Stories
Choose Language
Choose Old Testament Story
Choose New Testament Story
МОИСЕЙ И ААРОН ФАРАОНТЬ ИНГОЛЕ
Мзярда Азорсь кармась кучсемонза Моисеень фараонти, сянь кядялда ломаньтналть нолдафтома, Моисей каршезонза корхтась: «Вай, Азорозе!... Мон стака кялезе, кальдявста маштан корхтама... кучелить киньге лиянь...»
Эста Азорсь няфтсь Моисеенди Аарон альняканц лангс, мярьгсь: «Кали аш тонь Аарон альнякаце, левиень ломанць? Содаса, сон машты корхтама... ина мон улян тинь кафцьконь мархтонт корхтамстонт, тонафтомонтка карман, мезе тиемс. Сон тонь вастозт кармай корхтама ломаньтналти. Тяфта сон ули тейть кяль-валкс, а тон улят тейнза Шкай вастс».
Тяда меле Моисей и Аарон мольсть фараонти, мярьгсть: «Тяфта корхтай Азорсь, Израилень Шкайсь: "Нолдак ломаньтналозень тейне илань ётафтома шавмодас". Аньцек фараонць мярьгсь: "Кие тяфтамсь Азорсь, конань мярьгоманц кулхцондолине и нолдалине Израильть? Мон аф содаса Азорть, Израильтьке аф нолдаса... месть тинь, Моисей и Аарон, шорсетяда ломаттненди покодемс? Арда тинцьке кундада эсь тевозонт». Фараонць тяда меле сядонга казямста кармась люпштамост еврейхнень, кошардозень ваныхнень касфтомс синь тевснон.
Вейхкса пелькс зиятт кучсь Шкайсь египетонь ломаньтналть лангс, тянь вельде няфтезе фараонти, кинь кядьса азорксшись менельса-масторса. Нил ляйса ведсь арась веркс, модаватракшне вельхтязь Египетонь масторть, мода пульсь тиевсь савлавкс, пефтома пе пинень кару эвондась Египетса, урмада прасть ракшатне, сыи тазса пяшкодсть ломаттне, ракшатне; модать тапазе цярахман, эвондасть циледихть и колма шит арсесь шобда марнек Египетса... Фараонть седиенц стаки кевонзафнезе кяжсь, хуш сонцьке маятась зияттнень эзда, но израилень ломаньтналть ашезе ноля. Эста Моисей и Аарон кармасть эвфнемонза мекольце, кемонце зиянца.
ЛИСЕМА 4-10
88 
