Bible Stories
Choose Language
Choose Old Testament Story
Choose New Testament Story
ИСУСОНЬ КАЛМАМАЦ
Исусонь кулома шиц пяденцяль. Иудейхнень оцюнясна ашесть ёра кадомс эськотьфнень кулоснон крёз лангс ваймама шис – ёткшис, вдь тя ёткшиня ульсь оцюдонга оцю ши. Иудейхне мольсть Пилатонди эняльдема – мярьгоза тапамс эськотьфнень плманжаснон и валхтомс крёзста. Пилатонь мярьгомдонза меле, ушматтне мольсть и тапазь кафцьке нельгихненьшавихнень плманжаснон. Исусонди маладомста няезь, сон кулось ни, и сонь плманжанзон ашезь тапа. Аньцек ушматтнень эзда фкясь сялгозе сонь ирдез ёткс, сялкф вастста шудезевсь вер и ведь. Лиссь эхярь стане, кода азфоль Иняру Сёрматфса: «Фкявок пакарец аф ули синтьф». Захария шкаймаряйсь мярьгсь: «Варжакстыхть сянь лангс, конань сялгозь».
Тяда меле Пилатонди сась фкя содаф аля, Ариматияста Иосиф. Сонга ульсь Исусонь тонафниец, аньцек салавань, пельсь иудейхнень эзда. Иосиф эняльдсь Пилатонди – мярьгоза тейнза валхтомс Исусонь ловажанц крёз лангста. Пилат мярьгсь. Сась нинге фкя аля, Никодим, кона весть сашендсь Исусонди веть. Сон мархтонза кандсь калмаманди сядошка литра*а танцти шине вай. Алятне валозь вайса ару котфть и, иудеень калмамань койс коре, ашкодозь эзонза Исусонь ловажанц. Ся вастть маласа, коса вачкотьфоль крёзти Исус, ульсь иможбере, тоса калмонди карафоль пандапотмар. Иосиф и Никодим путозь тов Исусонь ловажанц, сувама вастть пякстазь оцю кевса.
Ёткшиня озксонь прявятихне и фарисейхне састь Пилат пряти и ушедсть корхтама Исусонь колга: «Азор! Минь лятфтаськ, ся васькафнись шиса улемстонза мярьгсь: "Колма шида меле вельман". Сяс мярьк ваномдонза калмоть колмоце шить самс, афток тонафниенза сайхть веть и саласазь, а сяльде азсазь: "Кулофста вельмась". Эста мекольце васькафнемась кармай улема васенцеда кальдяв». Пилат мярьгсь тянь тиемс. Синь мольсть и ладясть калмоть ваксс ваныхть, а кевть лангс путсть кемокстамань тяшкс.
МАТВ. 27:62-66; ИОАНН 19:31-42
*а Литра – Исус Кристосонь пингста римонь масторга сталмонь ункстама, 350-шка грамма. 100 литрась – 35 кила.
426 
