Bible Stories
Choose Language
Choose Old Testament Story
Choose New Testament Story
ИСУСОНЬ ЭСЬКОДЕМАЦ
«Исусонь мархта вятсть кулома кафта нельгихть-шавихть. Састь ся вастти, конань лемнезь Пряпакарь, тоса вачкодезь крёзти сонь и нельги-шавихненьге, фкять види, омбоцеть кержи пяленза. Исус корхтась: "Аляй! Нолдайть пежетьснон, синь аф содасазь, мезе тиихть» (Лука 23:27-34). «Пилат мярьгсь повфтамда крёзти седяфкя, конанди сёрматфоль евреень, греконь и римонь кяльса: "Назаретонь Исус, иудейхнень оцязорсна". Ушматтне, Исусонь вачкодемдонза меле, сявозь щамонзон и явозь нилева, эрь ушманти пялькс, кувака панаронц инкса ёрдасть жерьба» (Иоанн 19:19-23).
«Ломаттне ащесть и ванцть. Низелкшнесть мархтост марса оцюнятневок, корхтасть: "Лиятнень идекшнезень, эсь прянцка идеза, кда сон Кристос". Ушматтневок наругасть лангсонза... Ваксозонза эськотьф нельги-шавихнень эзда фкясь пялендезе сонь кяжи валса, корхтась: "Кда тон Кристосат, идек эсь пряцень и миньге". Омбоцесь, меколанкт, лоткафнезе ялганц: "Кали Шкайдонга аф пелят, вдь тон тонцьке эськотьфат? Минь муворгофтомазь видешис коре, а сон мезеньге кальдяв ашезь тие". Исусонди мярьгсь: "Лятфтамак монь, Азорозе, мзярда саят эсь Оцязорксшизт!" Исус мярьгсь тейнза: "Видеста корхтан тейть: тяникиге улят мархтон райса» (Лука 23:35-43).
«Шиньгучкать шобдась вельхнезе марнек модать колма часттненди самс. Колма часттнень маласта Исус серьгядсь кайги вайгяльса: "Эли, Эли! Лама савахфани?" Минь кяльсонк: "Шкаезе, Шкаезе! Мес кадомайть монь?"... Эстокиге тостотнень эзда фкясь ласьксь, сявсь ведьбанга*а, начфтозе шапама винаса и байдек песа венептезе тейнза симомс...» (Матвей 27:45-49). «Мзярда Исус варжазе шапама винать, мярьгсь: "Тиевсь!» (Иоанн 19:30).
«Исус вярьгак вайгяльхть серьгядсь: "Аляй! Кядезт максса ваймозень". Тянь азомда меле лиссь ваймоц» (Лука 23:46).
«Вов, шкайкудса вельхтердась сязевсь кафту, вярде алу; модась шерьхкозевсь; лазовсть кевбанттне; калмотне панжевсть; и вельмасть ламоц иняру кулоф ломаттне и ламотне синь няезь... Сядонь вятись и ушманонза, кит ванозь Исусонь, пяк эводсть модать шерхькомаста и сембе лядыксть няемста, корхтасть: "Видекс сон ульсь Шкаень Цёра»(Матвей 27:51-54).
*а Ведьбанга – губка.
424 
