Выбрать язык
Choose Old Testament Story
Choose New Testament Story
«Тиде жапыште Август кесарь*а деч калыкым уло мланде мучко шотлен возаш кӱштымаш лектын. Тиде икымше шотлен возымашым Квиринийын Сирийыште вуйлатымыж годым эртареныт. Чылан шке тукымыштын олашке возалташ каеныт. Иосиф Давидын родо-тукымжо гыч лийын, сандене Галилейысе Назарет ола гыч Иудейышке, Давидын Вифлеем лӱман олашкыже, каен.»
Назарет гыч Вифлеем марте кок шӱдӧ меҥге утларак лиеш. Ты жапыште нимогай поезд, машина лийын огыл. Сандене тыгай кужу корнышто ик кече гына огыл эртен.
Библийыште возымо: «А кунам нуно Вифлеемыште лийыныт, Мариялан азам ышташ жап шуын. Мария Икымше Шочшыжым, Эргым, ыштен, Тудым вӱдылын, шудо шерчаш*б пыштен. Унапӧртыштӧ нунылан вер лийын огыл.» Тышечын ме нунын вольык вӱташте лиймыштым палена. Ожнысо каласкалымаш почеш тиде вӱта курык рожышто лийын улмаш. Саде кундемыште шорык кӱтӱчӧ-влак тачысе кече мартеат тыгай курык рож дене пайдаланат.
*а Кесарь – император, кугыжа.
*б Шудо шерча – ясли, кормушка для скота.
66 
