Your word is a lamp to my feet

Bibles in the Fenno-Ugric languages



Bible Stories

Choose language


Choose Old Testament Story

Choose New Testament Story

ПАВЕЛЛÖН МÖДÖДÖМ ГИЖÖДЪЯС

Выль Кöсйысьöмын апостол Павеллöн дас куим мöдöдöм гижöд. Сiйö мöдöдiс гижöдъяссö эскысь котыръяслы Римö, Коринфö, Ефесö, Филипö, Колосö, Фессалоникаö да Галатияö, а сiдзжö торъя йöзлы – Тимофейлы, Титлы да Филимонлы. Чайтöны, мый Павел гижис тшöтш ”Еврейяслы мöдöдöм гижöд”.

Исуслöн енэжö кыпöдчöм бöрын апостолъяс да мукöд велöдчысьяс кутiсны паськöдны Исус Кристос йылысь Бур Юöрсö, медым йöзыс бергöдчисны мыжъясьыныс да эскисны Исуслы. Эскысьяс кутiсны чукöртчывлыны öтлаö кевмысьны да ошкыны Енмöс. Чужисны вичкояс. Налы апостол Павел и мöдöдлiс велöдан гижöдъяссö.

МУСЛУН

Коринфö медводдза мöдöдöм гижöдын апостол Павел гижö муслун йылысь:

«Ме кö сёрнита морт кывйöн, весиг анделъяслöн кывйöн, а муслуныс кö ме пытшкын абу, сiдзкö, ме троньгысь ыргöн да брунгысь жыннян. Ме кö пророкала да тöда став гусяторсö, менам кö эм быдпöлöс тöдöмлун да зумыд эскöм, верма весиг керöсъяс вештавны, а муслуныс кö ме пытшкын абу, сiдзкö, ме нинöм. Ме кö разöда став ассьым эмбурöс да сета ассьым вир-яйöс сотны, а муслуныс кö ме пытшкын абу, тайö меным нинöм оз сет».

Коринфö медводдза мöдöдöм гижöд 13:1-3

МУСЛУН ЙЫЛЫСЬ

Муслуныс дыр терпитö,
мелi сьöлöма,
оз вежав, оз ошйысь,
оз вылö кыпöдчы,
оз вöч шогмытöма,
аслыс нинöм оз курав,
оз дöзмы, оз казьтыв лёксö,
оз нимкодясь лёкыслы,
нимкодясьö збыльыслы.
Муслуныс ставсö вевттьö,
быд кадö эскö да лача кутö,
ставсö венö.
Муслуныс некор оз бырлы.
Öнi кольö куимтор:
эскöм, лача да муслун.
Но муслуныс на пиысь медыджыд.

Коринфö медводдза мöдöдöм гижöд 13:4-8, 13

предыдущий рассказ 500 следующий рассказ