Bible Stories
Choose language
Choose Old Testament Story
Choose New Testament Story
АНДЕЛ ПЕТКÖДÖ ПЕТЫРÖС ДЗЕСКЫДIНЫСЬ
Тайö кадö Ирöд öксы пондiс ёна дзескöдны Кристослы эскысьясöс. Сiйö тшöктiс вины Иоанлысь Яков воксö. Ирöд аддзис, мый тайö сьöлöм вылас воис юдейяслы, сэки тшöктiс босьтны тшöтш Петырöс. Петырöс пуксьöдiсны дзескыдiнö. Шыпуртаяслы тшöктiсны видзны сiйöс нёльöн-нёльöн да нёльысь вежласьöмöн. Ирöд шуис Ыджыд лун бöрын петкöдны сiйöс йöз водзö.
Эскысьяс дугдывтöг кевмысисны Петыр вöсна. Петкöдан лунлы паныда войö Петыр узис кык шыпурта костын. Сiйöс вöлi дорöма кык чептöн, нöшта дзескыдiн öдзöс дорын сулалiсны видзысьяс. Виччысьтöг Господьлöн андел сувтiс сы водзö и гöгöр югдiс. Петырлы инмöдчиг андел садьмöдiс сiйöс да шуис: «Чеччы öдйöджык». Петырлöн киыс дзик пыр мынiс чепъясысь. Сэсся андел шуис: «Пасьтав вылыс паськöмтö да лок ме бöрся». Петыр мунiс андел бöрся, но чайтiс, мый ставыс тайö абу збыль, а сöмын Енсянь петкöдчылöм. Воддза да мöд видзысьяс дiнтi мунöм бöрын найö воисны карö петан кöрт öдзöс дорö. Öдзöсыс ачыс воссис, да найö петiсны. Туй вывтi восьлалiгöн андел виччысьтöг вошис. Сэки Петыр воис ас садяс да шуис: «Öнi ме збыльысь тöда, мый Господь мöдöдiс Ассьыс анделсö, мед мездыны менö Ирöд киысь да юдей войтырлöн лöсьöдöм лёкторъясысь».
Тайöс гöгöрвоöм бöрын Петыр мöдöдчис Иоанлöн Марья мамыс ордö. Сэнi вель унаöн вöлi чукöртчöмаöсь кевмысьны. Петыр висьталiс налы, кыдзи Господь петкöдiс сiйöс дзескыдiнысь.
Апостолъяслöн уджъяс 12:1-17
466 
