Bible Stories
Choose language
Choose Old Testament Story
Choose New Testament Story
ИСУСЛÖН ЕНЭЖÖ КЫПÖДЧÖМ
Ловзьöм бöрас Исус нелямын лун чöж петкöдчывлiс велöдчысьясыслы да висьтавлiс налы Енлöн Юралöм йылысь.
Медбöрын апостолъяскöд öтлаын сёйигöн Исус шуис: «Ерусалимысь энö мунöй. Виччысьöй Батьлысь кöсйысьöмасö, мый йылысь Ме висьтавлi тiянлы. Иоан пыртiс ваöн, но кымынкö лун мысти тiянöс лоö пыртöма Вежа Лолöн. Кор лэччас тiян вылö Вежа Лов, тiянлы лоö сетöма вын. Мунöй став муюгыд пасьтала да висьталöй Евангелльöсö ставныслы. Кодi эскас да пыртчас, сiйö мездмас. Кодi оз эскы, сiйöс лоö мыждöма. Эскысьяслöн лоасны татшöм индысьпасъяс: Менам нимöн пондасны вöтлавны пеж ловъясöс да сёрнитны выль кывъяс вылын. Босьтасны кö кианыс змейöс да юасны кö мыйкö кулантор, таысь налы лёкыс оз ло. Найö пуктасны кинысö висьысьяс вылö, да найö бурдасны».
Тайöс висьталöм бöрын велöдчысьяслöн син водзын Исус кыпöдчис енэжö, сэсся кымöрыс вевттис Сiйöс. Найö синнысö эз лэдзлыны енэжысь, пыр видзöдiсны Сылысь ылыстчöмсö. Виччысьтöг на водзö сувтiсны еджыд паськöма кык морт. Найö шуисны: «Галилея войтыр, мый тi сулаланныд да видзöданныд енэжас? Тi асланыд синмöн аддзылiнныд Исуслысь енэжö кыпöдчöмсö, тадзикöн Сiйö бöр локтас».
Марк 16:15-19, Апостолъяслöн уджъяс 1:3-11
438 
