Bible Stories
Choose language
Choose Old Testament Story
Choose New Testament Story
ИСУСÖС ЛОКТÖНЫ БОСЬТНЫ
Гефсиманын кевмысигöн Исус куимысь волiс велöдчысьяс дiнас, и быд пöрйö аддзис найöс узьöмöн. Коймöдысьсö локтiгас Исус шуис налы: «Пыр на узянныд да шойччанныд? Кадыс воис. Морт Пиöс мыжаяс киö сетöны. Чеччöй, мунамöй. Менö вузалысь матын нин». Исуслöн сёрнитiгкостi локтiс Иуда, дас кык велöдчысьысь öти. Сiйö кöсйысьöма аркирейяслы вузавны Исусöс комын эзысь сьöмысь.
Иудакöд тшöтш локтiсны зоръясöн да шыпуртъясöн уна йöз. Найöс мöдöдöмаöсь аркирейяс да пöрысьяс. Исусöс вузалысь шуöма локтöмаяслы, кодöс пö окышта, Сiйöс и босьтöй. Иуда веськыда мунiс Исус дiнö да шуис: «Видза олан, Велöдысьöй», сэсся окыштiс Сiйöс. Исус шуис сылы: «Иуда, окыштöмнад тай вузалан Морт Пиöс». Сэсся Исус юалiс Иудакöд локтöм шыпуртаяслысь: «Кодöс тi корсянныд?» Сылы вочавидзисны: «Назаретса Исусöс». Исус шуис: «Тайö Ме». Шыпуртаяс бöрыньтчöмöн усисны муас.
Йöз чукöрлы Исус шуис: «Лёк вöчысьöс моз зорйöн-шыпуртöн локтiнныд босьтны Менö. Ме быд лун тiян крамын пукалi-велöдi, да тi энö босьтöй Менö. Öнi тiян кадыс да пемыдыслöн ыджыдалöмыс. Ставыс тадзи артмис, медым инiсны пророк гижöдъяс».
Шыпуртаяс босьтiсны Исусöс да вайöдiсны Каиаф аркирей ордö. А велöдчысьяс эновтiсны Исусöс да пышйисны.
Матвей 26:45-57, Лука 22:45-53, Иоан 18:1-12
416 
