Bible Stories
Choose language
Choose Old Testament Story
Choose New Testament Story
ИСУС ШОГСЬÖ ЕРУСАЛИМ ВÖСНА
Исус ёна шогсис ас войтырыс вöсна. Сiйö шулiс: «Ерусалим, Ерусалим! Пророкъясöс виалысь да тэ дiнö ыстöмаясöс изъялысь! Кымынысь Ме кöсйи чукöртны тэнсьыд ныв-питö, кыдзи лэбач чукöртö ассьыс пиянсö борд улас. Но тi энö кöсйöй. Со, тiян крамныд тыртöммас. Шуа тiянлы: онö аддзöй Менö тайö кывъяссö шутöдз: ”Бурсиöма Господь нимöн Локтысьöс!”»
Ерусалим кар вылö видзöдiгöн Исус бöрдöмöн шуалiс: «Тöдiн кö эськö тэ талун, мый вайö тэныд лöнь олöмсö! Öнi тайö тупкыса тэнад синлы. Воас лун, кор тэныд паныд мунысьяс лэптасны тэ гöгöр тымöд*а, кытшаласны тэнö да быд боксянь дзескöдасны. Тэнö жугöдасны дзоньнас, олысьястö виаласны – из вылö из оз кольны, öд тэ эн кöсйы тöдны тэ дiнö Енлысь волöмсö».
Лука 13:34-35, 19:41-44
*а тымöд – вал, насыпь
392 
