Bible Stories
Choose language
Choose Old Testament Story
Choose New Testament Story
ИСУС ЛОВЗЬÖДÖ ЛАЗАРÖС
Марпалöн да Марьялöн висьмис Лазар вокыс. Чойяс мöдöдiсны мортöс, мед висьтавны Исуслы Лазар йылысь. Тайöс кылöм бöрын Исус шуис: «Тайö висьöмыс абу кулöм вылö, но Енмöс ошкöм вылö». Исус мунiс сэтчö сöмын кык лун мысти, кор Лазар вöлi кулöма нин. Исус тöдiс та йылысь.
Уна йöз вöлi локтöмаöсь Марпа да Марья ордö, медым пальöдны налысь шогсö. Кор Марпа кылiс Исуслöн локтöм йылысь, петiс Сылы воча да шуис: «Господьöй, вöлiн кö Тэ танi, менам вокöй эськö эз кув. Но весиг öнi тöда: мый коран Енмыслысь, Сiйö сетас Тэныд». Исус вочавидзис: «Ловзяс тэнад вокыд». Марпа шуис Сылы: «Тöда, сiйö ловзяс медбöръя лунö, кор ловзясны кулöмаяс». Исус шуис: «Ме – Ловзьöдысьыс да Олöмыс. Меным эскысь весиг кулöм бöрас кутас овны. Быдöн, кодi олiгас эскö Меным, некор оз кув. Эскан-ö таö?» Марпа шуис: «Эска, Господьöй! Ме эска, мый Тэ – Кристос, Ен Пи, кодлы колö вöлi локны муюгыдас».
Марпа мунiс Марья чойыс дiнö да гусьöн висьталiс сылы: «Велöдысьным корö тэнö». Марья дзик пыр петiс. Йöзыс петiсны сы бöрся, чайтiсны, мый сiйö мунö дзебанiнö бöрдны.
Марьялысь да сыкöд локтысь йöзлысь бöрдöмсö аддзöмысь Исуслöн сьöлöмыс нормис. Сiйö юалiс: «Кытчö тi пуктiнныд сiйöс?» Исусöс нуöдiсны Лазарлöн дзебанiнö. Дзебанiныс вöлi кырта горсйын, а пыранiнсö вöлi тупкöма изйöн. Исус шуис: «Вештöй изсö». Марпа шуис: «Господьöй, сiйö öд нёль луннад дуксис нин». Исус шуис Марпалы: «Эг öмöй тэныд шулы, мый эскан кö, аддзан Енлысь дзирдлунсö?» Сэки вештiсны изсö. Енэжö видзöдлöмöн Исус шуис: «Батьöй, Ме аттьöала Тэнö, мый кылiн Менö. Ме тöда: Тэ пыр кылан Менö. Тайöс Ме шуи танi сулалысь йöзыс вöсна, медым найö эскисны, мый Тэ Менö мöдöдiн». Сэсся Исус гораа шыасис: «Лазар, пет сэтысь!» Кулöм Лазар петiс. Сылысь ки-коксö вöлi гартлöма дзебан дöраясöн, чужöмсö гартыштöма чышъянöн. Исус тшöктiс разьны дöраяссö.
Унаöн, кодъяс аддзылiсны тайöс, пондiсны эскыны Исуслы.
Иоан 11:1-45
376 
