Bible Stories
Choose language
Choose Old Testament Story
Choose New Testament Story
КЕРÖСВЫВ ВЕЛÖДÖМ
5. МЫЖДЫСЬÖС МЫЖДАСНЫ, КОРЫСЬЛЫ СЕТАСНЫ; ВЕКНЬЫД ДА ПАСЬКЫД ТУЙ ЙЫЛЫСЬ
«Энö мыждöй, сэки тiянöс оз мыждыны. Öд тiян мыждöмныд ас выланыд бöр воас. Асланыд мурталöм серти тiянлы мурталасны. Кыдзи тэ верман вокыдлöн синмысь ёгторсö аддзыны, аслад синмысь кö керсö он казяв? Кыдзи тэ верман шуны вокыдлы: ”Вай перъя синсьыд ёгторсö”, аслад синмад кö кер? Кык бана шаньга! Водзджык аслад синмысь керсö перйы, сэки вокыдлöн синмысь ёгторсö верман перйыны.
Корöй, и тiянлы сетасны, корсьöй, и тi аддзанныд, игöдчöй, и тiянлы восьтасны. Öд корысьлы сетöны, корсьысьлы сюрö да игöдчысьлы восьтöны. Кодi тiян пöвстысь пиыслы сетас из, корас кö сiйö нянь? Сетас-ö змейöс, корас кö пиыс чери? Тi лёкöсь, а сямманныд бурсö сетны асланыд ныв-пилы. Дерт нин, енэжвыв Батьныд уна пöвстöн бурсö сетас Сылысь корысьяслы.
Пырöй векньыд öдзöсöд. Öд паськыд öдзöсыс да паськыд туйыс кулöмö нуöдöны, и унаöн сэтi мунöны. Векньыд öдзöсыс да векньыд туйыс олöмö нуöдöны, и тайöс аддзысьыс этша».
Матвей 7:1-5, 7-11, 13-14
ТАДЗИ ОВ
Мый кöсъянныд,
медым йöзыс
вöчисны тiянлы,
сiйöс и тi
вöчöй налы.
Матвей серти Бур Юöр 7:12
338 - 339 
