Bible Stories
Choose language
Choose Old Testament Story
Choose New Testament Story
ПÖРЫСЬ СИМЕОН
Ен кагалы пуктiсны Исус ним, öд Мариялöн нöбасьтöдз на тадзи тшöктiс нимтыны андел. Нимыслöн вежöртасыс лоö ”Господьным мездö”.
Ен Индöд серти медводдза чужысьöс, пи кагаöс, колö вöлi сины Енлы. Квайт вежонся Исусöс вайисны ерусалимса крамö. Сэки Ерусалимын вöлi Симеон нима пöрысь морт. Сiйö эскис Енлы да виччысис Енсянь кöсйысьöм Мездысьöс. Вежа Лов водзвыв висьтавлiс сылы, Кристосöс аддзывтöдз пö он кув. Вежа Лов нуöдöмöн Симеон локтiс крамö буретш сэки, кор Öсип да Мария пыртiсны сэтчö Исусöс. Симеон босьтiс кагаöс киас да Енмöс ошкигтырйи шуис:
– Ыджыдöй, Аслад шуöмыд серти
öнi лэдзан Ассьыд кесйöгтö лöня мунны.
Аслам синмöн аддзылi
став йöзлы Тэнсьыд дасьтöм мездöмтö:
ентöдтöмъяслы вайöм югыдтö,
Тэнад Израиль войтырлы восьтöм дзирдлунтö.
Кага йылысь шуöмыс шензьöдiс Марияöс да Öсипöс. Симеон бурсиис найöс да шуис Мариялы: «Тэнсьыд сьöлöмтö шогыс шы пуртöн моз бытшкас».
Лука 2:21-35
298 
