Bible Stories
Choose language
Choose Old Testament Story
Choose New Testament Story
МИКЕЙ ПРОРОК
Микей пророк олiс Иофам, Аказ да Езекей иудаса öксыяс дырйи 740-700 воясö Кристос чужтöдз. Микей висьтавлiс войтырлöн Енсьыс кежöм йылысь, локтана мыждöм йылысь, Самария да Ерусалим каръяс бырöдöм йылысь. Сiйö пророкалiс тшöтш Исус Кристос йылысь да Сылöн став му пасьтала юралöм йылысь. Йöзлöн лёк олöм да Енлöн буралöм йылысь сiйö гижис тадзи:
«Бурсö вöчысьяс бырисны му вылысь, веськыда олысьяс абуöсь йöз пöвстын. Быдöн видзöдö пурны мöдöс, зiльöны тывйыштны öта-мöдсö. Найö сяммöны вöчны лёксö. Веськöдлысьяс да ёр дысьяс корöны козин, озыръяс индалöны, мый вöчнысö. Ставныс найö кыöны öти вез. На пиысь медбурыс да медвеськыдыс лежнöг кодь.
Öнi найö шöйöвошöмаöсь, öд воис мыждан лун, мый йылысь Ен öлöдлiс пророкъяс пыр. Эн эскы орчча олысьыдлы да ёртыдлы. Видзöд, мый висьталан тэкöд орччöн куйлысь гöтырыдлы. Сэки пиыс пондас увтыртны батьсö, нылыс паныд сувтас мамыслы, моньыс – энькаыслы. Мортлы паныд мунысьыс – сылöн гортсаыс. А ме кута видзöдны Господь вылö, виччысьны мездöмсö Енсянь. Менам Енмöй кылас менö.
Енмöй, эм-ö нöшта Тэ кодь мöдыс? Тэ прöститан мыжъяс, лёк вöчöмысь он мыжды Аслад войтырлысь коляссö. Тэ он век скöрав, Тэ бур сьöлöма. Тэ выльысь бурсьöлöмтчан миян дiнö, талялан мыжъяснымöс кок улад, шыбитан миянлысь став мыжсö саридзпыдöсöдз».
Микей 7:2-7,18-19
276 
