Your word is a lamp to my feet

Bibles in the Fenno-Ugric languages



Bible Stories

Choose language


Choose Old Testament Story

Choose New Testament Story

ИСАЙ ПРОРОК

Исай пророк олiс Израильын 700-800 воясын Кристослöн чужтöдз. Исай янöдiс Израиль войтырöс Енмысь кежöмысь да кык банаяс моз Енлы юрбитöмысь, тшöктiс мыж вöчысьяслы бергöдчыны Енлань. Сiйö ышöдiс войтырсö лача кутны Ен вылö:

– Тэ öмöй он тöд, тэ öмöй эн кывлы,
мый Господь – пыр олысь Ен,
Сiйö вöчис став муюгыдсö.
Сiйö оз мудзлы, оз усьлы эбöссьыс.
Сылысь мывкыдлунсö он вермы туявны.
Мудзöмалы Сiйö сетö вын, жуялöмалы козьналö эбöс.
Весиг том йöз мудзöны да вынтöммöны,
зонъяс усьöны кок йывсьыныс,
а Ен вылö лача кутысьяс тырöны выль вынöн.
Найö шевкнитасны бордъяснысö да кыпöдчасны кутшъяс моз.
Котöртiганыс оз мудзны да ветлiганыс оз жуявны.

Исай пророк водзвыв висьталiс Мездысь Исус Кристослöн чужöм да олöм йылысь, сьöкыдсö нуöм йылысь, Сылöн кулöм да ловзьöм йылысь:

– Сiйö босьтiс Ас вылас миянлысь дойяснымöс,
нуис миянлысь висьöмъяснымöс.
Ми чайтiм, мый Енмыс дойдалö Сiйöс да мыждö Сылöн мыжъяс вöсна.
Но Сiйöс вöлi бытшкöма миян мыжъяс вöсна,
дойдалöма миян лёк вöчöмъяс вöсна.
Сiйö нуис мыждöмсö, медым миян вöлi лöньлун.
Сылöн дойясöн ми бурдiм.
Ми ставным вöлiм вошöм ыжъяс кодьöсь,
ветлiм асланым туйясöд.
Но Господь пуктiс Сы вылö ставнымлысь мыжъяснымöс.
Сiйöс чорыда нöйтiсны, Сiйö уна сьöкыд нуис,
но та дырйи Сiйö весиг кыв эз шу.
Ыжöс моз Сiйöс нуöдiсны начкыны.
Шырысьяс водзын чöв олысь баля моз
Сiйö эз восьтлы Ассьыс вомсö.

Исай 40:28-31, 53:4-7

предыдущий рассказ 264 следующий рассказ