Bible Stories
Choose language
Choose Old Testament Story
Choose New Testament Story
ИОВÖС БУРСИÖМ
Иовлöн ёртъясыс дыр сёрнитiсны сыкöд. Найö шуалiсныИовлы, тэ пö мыжа, öд веськыда олысьöс Енмыс оз мыжды.А Иов воча шуалiс налы, ме пö нинöм лёксö эг вöч, тi весьшöрöмыжданныд менö. Виччысьтöг кылiс бушков шы. Ачыс Енмыскутiс сёрнитны Иовкöд бушковсяньыс. Сiйö юасис, но Иовлывоча кывйыс эз сюр. Тадзи Ен петкöдлiс Ассьыс вынсö да ыджыдмывкыдлунсö. Кор Ен дугдiс сёрнитны, Иов шуис Сылы:
– Ме тöда, мый Тэ ставсö верман,
нинöм оз вермы падмöдны Тэнсьыд кöсйöмтö.
Тэ юалiн, лысьтас-ö кодкö
аслас мывкыдтöм сёрниöн торкны Тэнсьыд кöсйöмтö.
Тайö ме, нинöм гöгöрвотöг сёрнитi
вывтi шензьöданаторъяс йылысь.
Тэ тшöктiн меным кывзысьны Тэнсьыд,
тшöктiн вочавидзны Тэнад юалöмъяс вылö.
Водзынджык ме сöмын кывлi Тэ йылысь,
öнi аслам синмöн аддза Тэнö.
Та вöсна меным яндзим аслам кывъясысь,
шогöс пальöда бус пытшкын,
кояла ачымöс пöимöн.
Ен скöралiс Иовлöн ёртъяс вылö, öд найö эз сёрнитны Сы йылысьИов моз веськыда. Ен тшöктiс налы вайны вись да корны Иовöс кевмысьны на вöсна, öд Енмыс шуис сибöдны сöмын Иовлысь кевмысьöмсö. Ёртъясыс вöчисны Енлöн тшöктöм серти. Иов кевмысис ёртъясыс вöсна, и Ен прöститiс найöс.
Иовлöн кевмысьöм бöрын Ен сетiс сылы озырлунсö кык пöвстöн унджык воддза дорсьыс. Иов дiнö локтiсны чой-вокыс да важ ёртъясыс. Найö бурöдiсны-ышöдiсны сiйöс да вайисны сылы козинъяс. Ен бурсиис Иовöс. Иов дыр на олiс му вылас, сылöн чужис сизим пи да куим ныв. Гижöма, мый Иовлöн нывъяс дорысь мичаджыкъясыс эз вöвны.
Иов 27-42
252 
