Bible Stories
Choose language
Choose Old Testament Story
Choose New Testament Story
ЭСФИР – ÖКСЫЛÖН ГÖТЫР
Персияса Артаксеркс öксы шуис гöтрасьны. Сiйö мöдöдiс кесъялысьяссö став аслас му пасьтала, медым чукöртны мича нывъясöс юркарö.
Сiйö кадас Персияын олiс уна юдей. Мардокей, кодi кесъялiс öксы керкаын, тшöтш вöлi юдей войтырысь. Сiйö олiс Суза карын да быдтiс батьтöм-мамтöм Эсфир нима нылöс, ассьыс воча чойсö. Эсфир вöлi лöсьыд мыгöра да мича чужöма ныв.
Öксы керкаö чукöртöма вöлi уна нылöс. Эсфир тшöтш вöлi на пöвстын. Сэнi найöс во чöж дасьтiсны öксылы петкöдчöм кежлö. Кор воис кад петкöдчыны, Эсфир мукöд ныв дорысь ёнджыка мусмис Артаксеркс öксылы. Сiйö индiс Эсфирöс öксы-аньöн. Öксы эз тöд, мый Эсфир юдей войтырысь, öд Мардокей эз тшöкты висьтавны та йылысь.
Öксы керкаын кесъялiс Аман нима морт. Сiйöс вöлi пуктöма став веськöдлысьыслы юралысьöн. Öксы тшöктöм серти ставныслы колö вöлi пидзöс вылас сувтöмöн копыртчывны Аман водзын. Но Мардокей эз вöч тайöс. Аман скöрмис таысь да шуис бырöдны став юдей войтырсö. Сiйö элясис öксылы: «Тэнад муын эм войтыр, кодi разалöма быдлаö. Найö олöны мукöд йöз пöвстын, но налöн оласногыс торъялö. Найö оз овны öксылöн тшöктöмъяс серти». Öксы лэдзис Аманлы вöчны накöд, мый кöсйö. Аман мöдöдiс гижöдъяс став му пельöсö. Тайö гижöдас вöлi тшöктöма вины да бырöдны став юдейсö – томъясöс и пöрысьясöс, челядьöс и аньясöс – да мырддявны налысь эмбурсö. Тайö юöрсьыс юдейяс ёна шогсисны, видзалiсны да сыркъялöмöн бöрдiсны.
Эсфир 2:2-4:3
242 
