Bible Stories
Choose language
Choose Old Testament Story
Choose New Testament Story
КАИН ДА АВЕЛЬ
Адамлöн да Евалöн чужисны пиян: Авель да Каин. Авель видзис ыжъясöс, а Каин му вöдитiс.
Öтчыд Каин вайис Енлы аслас му вылысь быдтöмторъяс, а Авель вайис баляясöс. Авельлысь вайöмторсö Енмыс сибöдiс, а Каинлысь – эз. Сэки Каин ёна скöрмис да зумыштчис. Ен шуис Каинлы: «Мыйла тэ скöрмин да мый понда зумыштчин? Бурсö кö вöчан, лэпты синтö, а он кö вöч бурсö, со, öдзöс дорад мыжыс*а. Сiйö кыскö тэнö ас дорас, но тэ ыджыдав сы вылын».
Но Каин эз вен мыжсö и водзö вежалiс вокыслы. Öтчыд, кор кык вок вöлiны ыб вылынöсь, Каин уськöдчис Авель вылö да виис сiйöс. Медводдза виöм мортлöн вирыс гырдöсьтiс мусö.
Ен мыждiс Каинöс да вöтлiс сiйöс чужан мусьыс.
Олöм 4:2-12
*а мыж – грех
22 
