Bible Stories
Choose language
Choose Old Testament Story
Choose New Testament Story
САМАРИЯ ВОЙТЫР
Кор Израиль войтырöс нуöдiсны Ассирияö, налöн муыс кушмис, олысьыс сэнi колис зэв этша. Сэки Израиль муын юркарнас вöлi Самария, та вöсна татчöс мусö кутiсны шуны Самарияöн. Ассирияса öксы овмöдiс сэтчö мукöд войтырöс. Бöрынджык наысь артмис Самария войтыр. Самарияö овмöдчысьяс эз юрбитны Господьлы. Таысь на вылö тшöкыда уськöдчывлiсны левъяс, тайö вöлi Господьсянь мыждöм. Ассирияса öксылы юöртiсны: «Войтыр, кодъясöс тэ овмöдiн самарияса каръясö, оз тöдны сэтчöс Енлысь тшöктöмъяссö. Та вöсна Сiйö мöдöдö левъясöс, и найö косявлöны йöзсö». Ассирияса öксы тшöктiс мöдöдны Самарияö Израиль войтыр пöвстысь попöс, мед велöдны сэтчöс олысьясöс Енлöн тшöктöмъясö.
Израильса поп мунiс Самарияö. Сiйö овмöдчис Вефильö да кутiс велöдны йöзсö юрбитны Господьлы. Йöзыс пондiсны юрбитны Енлы, но быд войтыр вöчис тшöтш ассьыс енъяс да пуктiс найöс юрбитанiнъясö.
Бöрынджык Самарияын олысьяс дугдiсны юрбитны асланыс енъяслы и эскисны сöмын Господьлы. Но найö век жö кутчысисны асланыс оласногö. Гаризим керöсын найö лэптiсны крам, сэнi юрбитiсны да вайисны Енлы висьяс.
Öксыяслöн нёльöд небöг 17:24-33
214 
