Bible Stories
Choose language
Choose Old Testament Story
Choose New Testament Story
ЫЖ ВИДЗЫСЬ ДАВИД
Саул öксы тшöкыда эз кывзысь Енлысь. Öтчыд Самуил пророк шуис сылы: «Тэ лёка вöчин – торкин Господьлысь, аслад Енлысь, тшöктöмсö. Вöчин кö сiдзи, кыдзи Господь тэныд тшöктiс, сэки Сiйö эськö вынсьöдiс тэнсьыд юралöмтö пыр кежлö. Но тэнад юралöмлы воас пом. Господь аддзас Аслыс лöсялана мортöс да индас сiйöс Аслас войтырлы ыджыдалысьöн».
Ен индiс Самуиллы Давид нима том зонмöс. Давид видзис батьыслысь ыжъяссö, сiйö вöлi бур ыж видзысьöн. Кор лев пышйöдлiс ыжöс, Давид суöдлiс да мырддьывлiс лев вомысь сiйöс.
Енлöн тшöктöм серти Самуил мавтiс Давидöс. Тайö висьталiс, мый Саул бöрын Давид лоас веськöдлысьöн Израиль войтырлы. Тайö кадсяньыс Енлöн Лолыс пыр вöлi Давидкöд. А Саул дiнысь Енлöн Лолыс вешйис, и пеж лов кутiс топöдны сiйöс. Саул тшöктiс аслас кесйöгъяслы корсьны гуслиöн ворсысьöс, медым ворсöмнас сiйö лöньöдас Сауллысь ловсö. Саул дiнö вайöдiсны Давидöс, кодi кутiс кесъявны сылы. Давид воис Сауллы сьöлöм вылас. Кор пеж лов топöдлiс Саулöс, Давид босьтлiс гусли да ворсiс. Сэки долыд мылiс Сауллöн лолыс, и пеж лов эновтлiс сiйöс.
Öксыяслöн медводдза небöг 13:13-14, 16:11-23, 17:34-36
158 
