Bible Stories
Choose language
Choose Old Testament Story
Choose New Testament Story
ИЛИЙЛÖН КУЛÖМ
Израильсаяслöн пансис тыш филистимсаяскöд. Филистимсаяс пасьвартiсны найöс да виисны нёль сюрс гöгöр мортöс. Кор израильсаяс локтiсны тыш вылысь, веськöдлысьясныс шуисны: «Мый понда Господь талун лэдзис филистимсаяслы вермыны миянöс? Мунамöй да ваямöй Силом карысь Господьлысь Йитöд Кудсö. Сiйö кö лоас миян ордын, Енмыс мездас миянöс паныд мунысьяслöн киысь». Силомö мöдöдiсны йöзöс, кодъяс вайисны сэтысь Йитöд Кудсö. Вайысьяскöд тшöтш локтiсны Илийлöн пияныс, Офни да Финэс.
Филистимсаяскöд бара пансис тыш и найö бара вермисны Израиль войтырöс. Комын сюрс израильса морт усис тышын, тшöтш Илийлöн кыкнан пиыс. Филистимсаяс сэки мырддисны Енлысь Кудсö.
Тыш вылысь котöрöн локтiс Силом карö юöр вайысь да висьталiс израильсаясöс вермöм йылысь. Карса олысьяс кутiсны ырзöмöн бöрдны. Тайö кадас Илий пукалiс вежа керка дорын. Сiйö кылiс бöрдöм шы, но эз гöгöрво, мыйла йöзыс бöрдöны. Сэки локтiс Илий дiнö юöр вайысь да шуис: «Израильса тышкайöз пышйисны филистимсаясысь. Миянлысь унаöс виисны, тэнад кыкнан пиыд, Офни да Финэс, тшöтш кулiсны. Филистимсаяс мырддисны и Енлысь Кудсö». Мыйöн Илий кылiс Енлöн Куд йылысь, сiйö гатш усис да кулiс. Илийлы сэки вöлi öкмысдас кöкъямыс арöс. Нелямын во чöж сiйö вöлi ёрдысьöн Израильын.
Илий рöдвужкöд лоис сiйö, мый Ен водзвыв висьтавлiс Самуиллы.
Öксыяслöн медводдза небöг 4:1-18
154 
