Bible Stories
Choose language
Choose Old Testament Story
Choose New Testament Story
АННА СИÖ САМУИЛÖС ЕНЛЫ
Анна пуктiс пиыслы Самуил ним. Кор Самуил быдмыштiс, Анна вайöдiс сiйöс вежа керкаö Илий дiнö да шуис: «Ме – сiйö аньыс, кодi коркö сулалiс да кевмысис танi Господьлы. Тайö кагасö ме кори Господьлысь, и Господь сетiс сiйöс меным. Öнi ме сета сiйöс Господьлы пыр кежлö».
Тайöс шуöм бöрын Анна копыртчылiс Енлы да ошкöмöн аттьöалiс Сiйöс:
– Господь гажöдiс менсьым сьöлöмöс.
Ме нимкодяся Сылöн отсöгысь.
Господь кодь вежаыс абу,
абу мöдыс Сыысь кындзи.
Миян Ен кодь дорйысьыс абу.
Энö ышнясьöй асланыд сёрниясöн,
мед оз петны тiян вомысь ковтöм кывъяс.
Öд Господь ставсö тöдö,
Сылöн ставсö нин арталöма.
Сiйö видзö Ассьыс вежа войтырсö туйясын,
а лёксö вöчысьяс вошöны пемыдас,
öд мортлы оз отсав аслас выныс.
Господь бырöдас Сылы паныд сувтысьясöс,
Сiйö мыждас муюгыдын олысьясöс.
Анна колис ичöт Самуилöс вежа керкаö Илий дiнö. Самуил быдмис да кесъялiс вежа керкаын. Сiйö вайис нимкодьлун Енлы и йöзыслы.
Öксыяслöн медводдза небöг 1:24-2:26
150 
