Bible Stories
Choose language
Choose Old Testament Story
Choose New Testament Story
ЫРГÖН ЗМЕЙ
Овтöминöд водзö мунiгöн Израиль войтыр бара кутiс шуасьны Ен да Мöисей вылö: «Мыйла тi петкöдінныд миянöс Египетысь, мед ми кулiм танi овтöминас? Танi весиг нянь ни ва абу. Миянлы мустöммис нин тайö лёк сёяныс».
Израиль войтырлöн шуасьöмысь Ен мöдöдiс чушкысь змейясöс, и унаöн на пиысь кулiсны. Сэки йöзыс локтiсны Мöисей дiнö да шуисны: «Ми мыжмим, кор шуасим Господь вылö да тэ вылö. Кевмысь Господьлы, медым Сiйö ылыстас миян дiнысь змейяссö».
Мöисей кевмысис йöзыс вöсна. Сэки Ен шуис сылы: «Вöч ыргöнысь змейöс да öшöд сiйöс кузь бедь йылö. Чушкöм мортыс кö видзöдлас сы вылö, коляс ловйöн». Мöисей вöчис ыргöн змейöс да öшöдiс кузь бедь йылö. Кор чушкöм морт видзöдлiс ыргöн змей вылö, сiйö кольлiс ловйöн.
Лыдпас 21:4-9
116 
