Bible Stories
Choose language
Choose Old Testament Story
Choose New Testament Story
СКИНИЯ ВЕЖÖДÖМ
Скиния вöлi нёль пельöса, дас вит метра кузьта, вит метра пасьта да вит метра джуджда. Пыранiныс видзöдiс асыввылö. Скиния сулалiс йöр пытшкын. Йöрсö вöлi потшöма эзысь потшъясöн, кытчö вöлi зэвтöма шабдi дöра эжöдъяс. Потшъяссö öшöдлiсны ыргöн сюръяяс бердö эзысь крукъяс вылö.
Скинияыс вöлi кык вежöса. Водз вежöсыс вöлi ыджыдджык, сiйö шусис ”Вежаин”. Сэнi вöлi кык зарни пызан. Öти пызаныс вöлi тшынöдчöм*а вылö, а мöд вылас пуктылісны дас кык нянь. Тайö вöлi Енлы вись пыдди вайöм вежа нянь. Тайö вежöсас сизим зарни бикок вылын öзйисны бияс.
Пыдi вежöссö водз вежöсысь вöлi торйöдöма дöраöн. Сiйö вöлi тырöма Енлöн дзирдлунöн*б, та вöсна шусис ”Вежасьыс-вежаин”. Сэнi видзисны Йитöд Куд. Тайö Кудсö дзоньнас вöлi эжöма зарниöн, а вевт вылас сулалiсны кык зарни андел. Куд пытшкас вöлiны Йитöд изпöвъяс. Тайö изпöвъяс вылас вöлi гижöма дас тшöктöм.
Вежаинö позис пырны сöмын попъяслы*в, а Вежасьыс-вежаинö позис пырны сöмын аркирейлы öтчыдысь вонас.
Выль скиниясö вöчöм бöрын Мöисей вежöдiс*г сiйöс, вежöдіс тшöтш попъясöс, кодъяслы колö вöлi кесъявны сэнi. Та бöрти кымöр вевттис скиниясö ставнас, и сiйö тыри Енлöн дзирдлунöн. Луннас кымöрыс вöлi скиния весьтын, а войнас кымöрыс öзъялiс биöн. Корсюрö кымöрыс кыпöдчылiс вылö, тайö вöлi Енсянь пас. Сэки Израиль войтыр водзö мöдöдчывлiс туйö Ханаан муö, кытчö Ен нуöдiс найöс.
Петöм 36-40
*а тшынöдны – кадить
*б дзирдлун – блеск, слава
*в Православнöй вичко пытшкын тайö кывнас оз вöдитчыны, вужъясьöма ”ерей” кыв.
*г вежöдны – освятить
110 
