Bible Stories
Choose language
Choose Old Testament Story
Choose New Testament Story
ДАС ТШÖКТÖМ
Мöисей вöлi зэв рам морт, сiйö эскис Енлы да кывзысис Сылысь. Ен сёрнитiс Израиль войтыркöд Мöисей пыр. Кор Израиль войтыр сувтiс шойччыны Синай керöс дорö, Мöисей кайис керöсö. Сэнi Ен сетiс сылы изпöвъяс. Сэтчö вöлi гижöма дас тшöктöм, мый серти Израиль войтырлы колö вöлi овны. Тшöктöмъясыс татшöмöсь:
«Ме – Господь, тэнад Ен, кодi петкöдiс тэнö Египет муысь, кöнi тi вöлiнныд кесйöг туйынöсь. Мед оз лоны тэнад мукöд енъяс.
Эн вöч аслад киöн да эн серпасав сiйö, мый эм енэжас, му вылас да ва пыдöсас. Эн копрась да эн юрбит налы.
Эн шуав Господьлысь, аслад Енлысь, нимсö весьшöрö, öд Господь оз коль мыждытöг сiйöс, кодi весьшöрö шуалö Сылысь нимсö.
Шойччан луныд мед лоö вежа лунöн. Эн вунöд та йылысь. Квайт лун уджав, а сизимöд лунсö торйöд аслад Господь Енлы.
Пыдди пукты ассьыд бать-мамтö, медым тэ дыр олiн сiйö муас, кодöс Господь Ен сетö тэныд.
Эн ви.
Гозъя олöмтö эн пежав.
Эн гусясь.
Эн пöръясь.
Эн ышты мöд мортлöн керка вылö, сылöн гöтыр вылö, сылöн кесйöгъяс, öшъяс да осёлъяс вылö. Эн ышты нинöм вылö, мый сылöн эм».
Петöм 19:1-2, 20:1-17, 31:18
102 
