Choose Language
Choose Old Testament Story
Choose New Testament Story
Öксу кылас: еврейез петiсö Египетсис, бöр бертны пö нiя озö мöдö. Сэк öксу быдсöн тышкасян выннас уськöтчас ны сьöрö. Сiя нiйö мöдöм бöр бергöтны.
Еврейез сибöтчасö ни Гöрд саридз дорö. Сэтöн нiйö пондасö вöтны египетса. Отир шедö: одзаныс вöлöм саридз, бöраныс – египет йöз. Еврейез Моисейлö пондöмась шувлыны: тэ пö петкöтiн миянöс Египетсис кувны кушмуас. Моисей сэтчö нылö шуас: «Эдö полö! Сувтчö, чожа мыйись Еныс тiянöс мездас. Египет йöзсö тiйö сэсся одö ни адззылö. Тiйö эдö пизьö, Ен пондас пессьыны тiян понда». Ен тшöктас Моисейсö нюжöтны кисö саридз весьтö. Моисей нюжöтöм кисö. Сы коста ыджыт асыввывся тöлöн саридзись васö Ен вешталӧм öтмöдöрö. Саридз пыдöсiсь ойкöлöн ваыс вешшас, пöртчас туйö. Сiдз Израиль увтыр иньдöтчас саридз шöрöт мöдöрас.
Египетса еврейес сьöрись абу кольччöмась, иньдöтчасö ны бöрсянь.
Еврейес быдöнныс саридз пыдöсын лоöм кöсiнöт вуджасö мöдöрас. Ен шуас Моисейлö: «Лэбты китö саридз весьтас, ась ваыс вöтьö египет йöзлiсь тышкасян вынсö». Моисей керас Ен тшöктöм сьöртi. Ваыс бöр бертöм саридзас, сiя вöтьöм быдöс египет йöзсö.
Еныс сiя лунö сiдз мездас Ассис отирсö. Сысянь отир повзяс, пондас кывзiсьны Енсö, Сылö отсасись Моисейсö.
Петöм 14:5-31, 15:1-18
44 
