Choose Language
Choose Old Testament Story
Choose New Testament Story
Моисей мунӧм Египетö. Мунтöнняс сiя панталас ассис Арон вонсö. Моисейлö паныт сiйö ыстöм Еныс. Кыкöн нiя мунасö Египет öксу дынö. Висьтасясö сылö Ен тшöктöм йылiсь: колö пö еврейесö Египетсис лэдзны. Öксу оз понды нiйö лэдзны. Сэк Египетiсь йöзлö Ен ыстöм öкмыс мыжйöм. Öксу ёнжыка лöгасяс. Египетсис еврейесö бöра оз лэдз. Сэк Ен ыстöм ассис медбöрья дасöт мыжйöм: ойшöрнас быд египетсалöн кулас одзза шогмöм зон, кулас быд подалöн одзза шогмöм пиян.
Öксу ойнас корöм Моисейсö Арон воныскöт, шуас: «Ась быдöс еврейес мунöны менам отир коласiсь. Асланыт висьталöм сьöртi кеймö Еннытлö. Быдöс поданытö босьтö сьöраныт. Мунö, буркыв меным висьталöмöн».
Египет йöз еврейесö тэрмöтасö мунны ны муэзiсь.
Туйö иньдöтчöмась кватьсё сюрс*а айка морт, учöт че лядь да инькаэз лыддьытöг. Мöдiк увтыррезiсь уна отир иньдöтчасö ныкöт. Сьöраныс вашöтöмась ыджыт пода чукöр.
Нiя пöжаласö шöмтöм нянись тупöссез. Нiя эд озö ештö туяс лöсьöтны аслыныс нельки сёян-юансö, Египетсис нiйö вашöтасö да.
Египетас еврейес олöмась нёльсё куимдас во*б.
Ен нуöтöм еврейесö ветлытöм туйöт Гöрд саридз дорö. Еныс луннас ны одзын мунас кымöрöн. Ойнас нылö туйсö югдöтас биöн. Кымöр кö сувтчас, еврейез шоччисьöмась. Мунö кö кымöр, нiя иньдöтчывлöмась одзлань. Лунся кымöр, ойся би пыр мунöмась öтлаын отиркöт.
Петöм 4:18-20, 27-31, 5:1-12, 13:20-22
*а сюрс – тысяча
*б во – год
42 
