Choose Language
Choose Old Testament Story
Choose New Testament Story
Öксуыс кылас: еврейес пö озö вынтöмсялö сьöкыт уджсянь, ёнажык вынсялöны. Сэк сiя тшöктас еврейеслiсь быд шогмöм зонöс чапкыны юö. Öтiк еврей инькалöн шогмас зон. Куим тöлiсь инькаыс видзас зонсö сайлалöмöн. Одзлань абу ни позьöм сiдз видзны. Сэк сiя босьтас кыйöм зыбка, кисьтас сiйö сирöн, пуктас сэтчö кагасö. Зыбкасö каганас сайöвтас Нил ю дорын быдмöм турунас. Мамыс нывсö тшöктöм видзöтны кагаыс сьöрын.
Öксулöн нылыс аслас отсасись нывкаэзкöт сы коста петас ю дорö уявны-тульöтчыны. Сэтöн сiя ю дор турунсис казялас кыйöм зыбкасö, кылас кагалiсь горзöм. Отсасись нывкасö сiя тшöктас вайны кагасö дынас. Öксулöн нылыс осьтас кыйöм зыбкасö, казялас кагасö. Нывкаыслöн сьöлöмыс вöрзяс.
Сэтöн кагаыслöн сойыс сибöтчас, юалас: оз я пö понды ковны кагаыс понда нимöтчись инька. Öксулöн нылыс корас инькасö, шуас: «Босьт кагасö, нимöт-быдты сiйö меным. Ме сы понда тэныт вештiся».
Кагаыс быдмöм. Инькаыс вайöтас сiйö öксу ныв дынö. Мöдыс лоас сылö зон туйö. Öксу ныв сетöм сылö Моисей ним.
Моисей олöм öксу керкуын. Сiя тöдöм еврей увтырын шогмöмыс йылiсь. Быдмикас зонкаыс адззöм еврей отирлiсь сьöкыт олансö. Нылö отсавны сiя оз вермы.
Моисейыс пышшас öксуыс дынiсь Мадиам муö. Сэтчин сiя тöдсасьöм Йопор нима попкöт да сылöн гортiссескöт, кольччöм овны ны ордö. Попыс сетöм Моисейыс сайö ассис Сепора нима нывсö.
Петöм, 2 тор
38 
