Choose Language
Choose Old Testament Story
Choose New Testament Story
Чулалас уна кад. Яков кулас. Куласö сылöн зоннэс. Ен сетöм Яковлö виль ним – Израиль. Сiя нимыс лоö «Енкöт пессись». Сiйöн Яковыслiсь увтырсö öнöдз шуöны Израиль отир, мöднёж – еврейез. Öсипыс кулöм бöрын Египетнас пондас веськöтлыны мöдiк öксу. Сiя оз тöд мывкыда Öсипсö, сылiсь бур керöмсö.
Öксуыс казялöм: еврейес пондiсö пö чожа йывны, лоисö вынажыкöсь Египет отирся. Сэк сiя шуöм падмöтны еврейесö одзлань йылöмись.
Öксуыс еврейес вылын сувтöтас юралiссезöс. Нiя еврейесö садь быртöдз уджöтöмась. Еврейес тай сьöкыт уджсянь абу вынтöмсялöмась, унажык йылöмась, унажык быдмöмась. Нылiсь быдöнныс пондöмась повны. Сысянь Египет отир ёнжыка лёксяласö. Нiя тшöктасö еврейесö уджавны одззася унажык, нылiсь олансö пöртасö сьöкыт пессьöмö.
Еныс казялас отирыслiсь пырся пессьöм-шогсьöмсö. Нiя Сылiсь эд корасö отсöтсö. Сiйöн Еныс ыстöм нылö мездiсьöс.
Петöм 1:6-14
36 
